ہم کو مٹا سکے یہ زمانے میں دم نہیں — جگر مراد آبادی
شاعر
ہم کو مٹا سکے یہ زمانے میں دم نہیں
ہم کو مٹا سکے یہ زمانے میں دم نہیں
ہم سے زمانہ خود ہے زمانے سے ہم نہیں
بے فائدہ الم نہیں بے کار غم نہیں
توفیق دے خدا تو یہ نعمت بھی کم نہیں
میری زباں پہ شکوۂ اہل ستم نہیں
مجھ کو جگا دیا یہی احسان کم نہیں
یا رب ہجوم درد کو دے اور وسعتیں
دامن تو کیا ابھی مری آنکھیں بھی نم نہیں
شکوہ تو ایک چھیڑ ہے لیکن حقیقتاً
تیرا ستم بھی تیری عنایت سے کم نہیں
اب عشق اس مقام پہ ہے جستجو نورد
سایہ نہیں جہاں کوئی نقش قدم نہیں
ملتا ہے کیوں مزہ ستم روزگار میں
تیرا کرم بھی خود جو شریک ستم نہیں
مرگ جگرؔ پہ کیوں تری آنکھیں ہیں اشک ریز
اک سانحہ سہی مگر اتنا اہم نہیں
Ham ko miTā sakeñ ye zamāne meñ dam nahīñ
Ham ko miTā sakeñ ye zamāne meñ dam nahīñ
Ham se zamāna ḳhud hai zamāne se ham nahīñ
Be-fā.eda alam nahīñ be-kār ġham nahīñ
Taufīq de ḳhudā to ye ne'mat bhī kam nahīñ
Merī zabāñ pe shikva-e-ahl-e-sitam nahīñ
Mujh ko jagā diyā yahī ehsān kam nahīñ
Yā rab hujūm-e-dard ko de aur wus'ateñ
Dāman to kyā abhī mirī āñkheñ bhī nam nahīñ
Shikva to ek chheḌ hai lekin haqīqatan
Terā sitam bhī terī ināyat se kam nahīñ
Ab ishq is maqām pe hai justujū-navard
Sāya nahīñ jahāñ koī naqsh-e-qadam nahīñ
Miltā hai kyuñ mazā sitam-e-rozgār meñ
Terā karam bhī ḳhud jo sharīk-e-sitam nahīñ
Marg-e-jigar pe kyoñ tirī āñkheñ haiñ ashk-rez
Ik sāniha sahī magar itnā aham nahīñ
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں