عشق لا محدود جب تک رہنما ہوتا نہیں — جگر مراد آبادی
شاعر
عشق لا محدود جب تک رہنما ہوتا نہیں
عشق لا محدود جب تک رہنما ہوتا نہیں
زندگی سے زندگی کا حق ادا ہوتا نہیں
بے کراں ہوتا نہیں بے انتہا ہوتا نہیں
قطرہ جب تک بڑھ کے قلزم آشنا ہوتا نہیں
اس سے بڑھ کر دوست کوئی دوسرا ہوتا نہیں
سب جدا ہو جائیں لیکن غم جدا ہوتا نہیں
زندگی اک حادثہ ہے اور کیسا حادثہ
موت سے بھی ختم جس کا سلسلہ ہوتا نہیں
کون یہ ناصح کو سمجھائے بہ طرز دل نشیں
عشق صادق ہو تو غم بھی بے مزا ہوتا نہیں
درد سے معمور ہوتی جا رہی ہے کائنات
اک دل انساں مگر درد آشنا ہوتا نہیں
میرے عرض غم پہ وہ کہنا کسی کا ہائے ہائے
شکوۂ غم شیوۂ اہل وفا ہوتا نہیں
اس مقام قرب تک اب عشق پہنچا ہی جہاں
دیدہ و دل کا بھی اکثر واسطا ہوتا نہیں
ہر قدم کے ساتھ منزل لیکن اس کا کیا علاج
عشق ہی کم بخت منزل آشنا ہوتا نہیں
اللہ اللہ یہ کمال اور ارتباط حسن و عشق
فاصلے ہوں لاکھ دل سے دل جدا ہوتا نہیں
کیا قیامت ہے کہ اس دور ترقی میں جگرؔ
آدمی سے آدمی کا حق ادا ہوتا نہیں
Ishq lā-mahdūd jab tak rahnumā hotā nahīñ
Ishq lā-mahdūd jab tak rahnumā hotā nahīñ
Zindagī se zindagī kā haq adā hotā nahīñ
Be-karāñ hotā nahīñ be-intihā hotā nahīñ
Qatra jab tak baḌh ke qulzum-āshnā hotā nahīñ
Is se baḌh kar dost koī dūsrā hotā nahīñ
Sab judā ho jā.eñ lekin ġham judā hotā nahīñ
Zindagī ik hādsa hai aur kaisā hādsa
Maut se bhī ḳhatm jis kā silsila hotā nahīñ
Kaun ye nāseh ko samjhā.e ba-tarz-e-dil-nashīñ
Ishq sādiq ho to ġham bhī be-mazā hotā nahīñ
Dard se ma'mūr hotī jā rahī hai kā.ināt
Ik dil-e-insāñ magar dard-āshnā hotā nahīñ
Mere arz-e-ġham pe vo kahnā kisī kā hā.e hā.e
Shikva-e-ġham shaiwa-e-ahl-e-wafā hotā nahīñ
Is maqām-e-qurb tak ab ishq pahuñchā hī jahāñ
Dīda o dil kā bhī aksar wāsta hotā nahīñ
Har qadam ke sāth manzil lekin is kā kyā ilāj
Ishq hī kam-baḳht manzil-āshnā hotā nahīñ
Allāh Allāh ye kamāl aur irtibāt-e-husn o ishq
Fāsle hoñ lākh dil se dil judā hotā nahīñ
Kyā qayāmat hai ki is daur-e-taraqqī meñ jigar
Ādamī se ādamī kā haq adā hotā nahīñ
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں