جہل خرد نے دن یہ دکھائے — جگر مراد آبادی
شاعر
جہل خرد نے دن یہ دکھائے
جہل خرد نے دن یہ دکھائے
گھٹ گئے انساں بڑھ گئے سائے
ہائے وہ کیونکر دل بہلائے
غم بھی جس کو راس نہ آئے
ضد پر عشق اگر آ جائے
پانی چھڑکے آگ لگائے
دل پہ کچھ ایسا وقت پڑا ہے
بھاگے لیکن راہ نہ پائے
کیسا مجاز اور کیسی حقیقت
اپنے ہی جلوے اپنے ہی سائے
جھوٹی ہے ہر ایک مسرت
روح اگر تسکین نہ پائے
کار زمانہ جتنا جتنا
بنتا جائے بگڑتا جائے
ضبط محبت شرط محبت
جی ہے کہ ظالم امڈا آئے
حسن وہی ہے حسن جو ظالم
ہاتھ لگائے ہاتھ نہ آئے
نغمہ وہی ہے نغمہ کہ جس کو
روح سنے اور روح سنائے
راہ جنوں آسان ہوئی ہے
زلف و مژہ کے سائے سائے
Jahl-e-ḳhirad ne din ye dikhā.e
Jahl-e-ḳhirad ne din ye dikhā.e
GhaT ga.e insāñ baḌh ga.e saa.e
Hā.e vo kyūñkar dil bahlā.e
Ġham bhī jis ko rās na aa.e
Zid par ishq agar aa jaa.e
Pānī chhiṛke aag lagā.e
Dil pe kuchh aisā waqt paḌā hai
Bhāge lekin rāh na pā.e
Kaisā majāz aur kaisī haqīqat
Apne hī jalve apne hī saa.e
JhūThī hai har ek masarrat
Rūh agar taskīn na pā.e
Kār-e-zamāna jitnā jitnā
Bantā jaa.e bigaḌtā jaa.e
Zabt-e-mohabbat shart-e-mohabbat
Jī hai ki zālim umDā aa.e
Husn vahī hai husn jo zālim
Hāth lagā.e haath na aa.e
Naġhma vahī hai naġhma ki jis ko
Rūh sune aur rūh sunā.e
Rāh-e-junūñ āsān huī hai
Zulf o mizha ke saa.e saa.e
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں