سب پہ تو مہربان ہے پیارے — جگر مراد آبادی
شاعر
سب پہ تو مہربان ہے پیارے
سب پہ تو مہربان ہے پیارے
کچھ ہمارا بھی دھیان ہے پیارے
آ کہ تجھ بن بہت دنوں سے یہ دل
ایک سونا مکان ہے پیارے
تو جہاں ناز سے قدم رکھ دے
وہ زمین آسمان ہے پیارے
مختصر ہے یہ شوق کی روداد
ہر نفس داستان ہے پیارے
اپنے جی میں ذرا تو کر انصاف
کب سے نامہربان ہے پیارے
صبر ٹوٹے ہوئے دلوں کا نہ لے
تو یوں ہی دھان پان ہے پیارے
ہم سے جو ہو سکا سو کر گزرے
اب ترا امتحان ہے پیارے
مجھ میں تجھ میں تو کوئی فرق نہیں
عشق کیوں درمیان ہے پیارے
کیا کہے حال دل غریب جگرؔ
ٹوٹی پھوٹی زبان ہے پیارے
Sab pe tū mehrbān hai pyāre
Sab pe tū mehrbān hai pyāre
Kuchh hamārā bhī dhyān hai pyāre
Aa ki tujh bin bahut dinoñ se ye dil
Ek sūnā makān hai pyāre
Tū jahāñ nāz se qadam rakh de
Vo zamīn āsmān hai pyāre
Muḳhtasar hai ye shauq kī rūdād
Har nafas dāstān hai pyāre
Apne jī meñ zarā to kar insāf
Kab se nā-mehrbān hai pyāre
Sabr TūTe hue diloñ kā na le
Tū yūñ hī dhyān pān hai pyāre
Ham se jo ho sakā so kar guzre
Ab tirā imtihān hai pyāre
Mujh meñ tujh meñ to koī farq nahīñ
Ishq kyoñ darmiyān hai pyāre
Kyā kahe hāl-e-dil ġharīb jigar
TūTī phūTī zabān hai pyāre
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں