شب فراق ہے اور نیند آئی جاتی ہے — جگر مراد آبادی
شاعر
شب فراق ہے اور نیند آئی جاتی ہے
شب فراق ہے اور نیند آئی جاتی ہے
کچھ اس میں ان کی توجہ بھی پائی جاتی ہے
یہ عمر عشق یوں ہی کیا گنوائی جاتی ہے
حیات زندہ حقیقت بنائی جاتی ہے
بنا بنا کے جو دنیا مٹائی جاتی ہے
ضرور کوئی کمی ہے کہ پائی جاتی ہے
ہمیں پہ عشق کی تہمت لگائی جاتی ہے
مگر یہ شرم جو چہرے پہ چھائی جاتی ہے
خدا کرے کہ حقیقت میں زندگی بن جائے
وہ زندگی جو زباں تک ہی پائی جاتی ہے
گناہ گار کے دل سے نہ بچ کے چل زاہد
یہیں کہیں تری جنت بھی پائی جاتی ہے
نہ سوز عشق نہ برق جمال پر الزام
دلوں میں آگ خوشی سے لگائی جاتی ہے
کچھ ایسے بھی تو ہیں رندان پاک باز جگرؔ
کہ جن کو بے مئے و ساغر پلائی جاتی ہے
Shab-e-firaq hai aur neend aayi jaati hai
Kuch is mein unki tawajjah bhi payi jaati hai
Yeh umr-e-ishq yun hi kya ganwai jaati hai
Hayat zinda haqeeqat banai jaati hai
Bana bana ke jo duniya mitai jaati hai
Zaroor koi kami hai ke payi jaati hai
Hamein pe ishq ki tohmat lagayi jaati hai
Magar yeh sharm jo chehre pe chhayi jaati hai
Khuda kare ke haqeeqat mein zindagi ban jaye
Woh zindagi jo zabaan tak hi payi jaati hai
Gunahgar ke dil se na bach ke chal zaahid
Yahin kahin teri jannat bhi payi jaati hai
Na soz-e-ishq na barq-e-jamaal par ilzaam
Dilon mein aag khushi se lagayi jaati hai
Kuch aise bhi to hain rindan-e-pak-baz Jigar!
Ke jin ko be-mai-o-saghar pilayi jaati hai
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں