طبیعت ان دنوں بیگانۂ غم ہوتی جاتی ہے — جگر مراد آبادی
شاعر
طبیعت ان دنوں بیگانۂ غم ہوتی جاتی ہے
طبیعت ان دنوں بیگانۂ غم ہوتی جاتی ہے
مرے حصے کی گویا ہر خوشی کم ہوتی جاتی ہے
سحر ہونے کو ہے بیدار شبنم ہوتی جاتی ہے
خوشی منجملہ و اسباب ماتم ہوتی جاتی ہے
قیامت کیا یہ اے حسن دو عالم ہوتی جاتی ہے
کہ محفل تو وہی ہے دل کشی کم ہوتی جاتی ہے
وہی مے خانہ و صہبا وہی ساغر وہی شیشہ
مگر آواز نوشا نوش مدھم ہوتی جاتی ہے
وہی ہیں شاہد و ساقی مگر دل بجھتا جاتا ہے
وہی ہے شمع لیکن روشنی کم ہوتی جاتی ہے
وہی شورش ہے لیکن جیسے موج تہ نشیں کوئی
وہی دل ہے مگر آواز مدھم ہوتی جاتی ہے
وہی ہے زندگی لیکن جگرؔ یہ حال ہے اپنا
کہ جیسے زندگی سے زندگی کم ہوتی جاتی ہے
Tabiyat in dinon begana-e-gham hoti jaati hai
Mere hisse ki goya har khushi kam hoti jaati hai
Sehar hone ko hai bedaar shabnam hoti jaati hai
Khushi munjamila-o-asbab-e-matam hoti jaati hai
Qayamat kya yeh aye husn-e-do-alam hoti jaati hai
Ke mehfil to wahi hai dilkashi kam hoti jaati hai
Wahi mai-khana-o-sahba wahi saghar wahi sheesha
Magar aawaz-e-nausha-nosh madham hoti jaati hai
Wahi hain shahid-o-saqi magar dil bujhta jata hai
Wahi hai shama lekin roshni kam hoti jaati hai
Wahi shorish hai lekin jaise mauj-e-teh-nasheen koi
Wahi dil hai magar aawaz madham hoti jaati hai
Wahi hai zindagi lekin Jigar! yeh haal hai apna
Ke jaise zindagi se zindagi kam hoti jaati hai
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں