ترے جمال حقیقت کی تاب ہی نہ ہوئی — جگر مراد آبادی
شاعر
ترے جمال حقیقت کی تاب ہی نہ ہوئی
ترے جمال حقیقت کی تاب ہی نہ ہوئی
ہزار بار نگہ کی مگر کبھی نہ ہوئی
تری خوشی سے اگر غم میں بھی خوشی نہ ہوئی
وہ زندگی تو محبت کی زندگی نہ ہوئی
کہاں وہ شوخ ملاقات خود سے بھی نہ ہوئی
بس ایک بار ہوئی اور پھر کبھی نہ ہوئی
وہ ہم ہیں اہل محبت کہ جان سے دل سے
بہت بخار اٹھے آنکھ شبنمی نہ ہوئی
ٹھہر ٹھہر دل بے تاب پیار تو کر لوں
اب اس کے بعد ملاقات پھر ہوئی نہ ہوئی
مرے خیال سے بھی آہ مجھ کو بعد رہا
ہزار طرح سے چاہا برابری نہ ہوئی
ہم اپنی رندی و طاعت پہ خاک ناز کریں
قبول حضرت سلطاں ہوئی ہوئی نہ ہوئی
کوئی بڑھے نہ بڑھے ہم تو جان دیتے ہیں
پھر ایسی چشم توجہ ہوئی ہوئی نہ ہوئی
تمام حرف و حکایت تمام دیدہ و دل
اس اہتمام پہ بھی شرح عاشقی نہ ہوئی
فسردہ خاطرئ عشق اے معاذ اللہ
خیال یار سے بھی کچھ شگفتگی نہ ہوئی
تری نگاہ کرم کو بھی آزما دیکھا
اذیتوں میں نہ ہونی تھی کچھ کمی نہ ہوئی
کسی کی مست نگاہی نے ہاتھ تھام لیا
شریک حال جہاں میری بے خودی نہ ہوئی
صبا یہ ان سے ہمارا پیام کہہ دینا
گئے ہو جب سے یہاں صبح و شام ہی نہ ہوئی
وہ کچھ سہی نہ سہی پھر بھی زاہد ناداں
بڑے بڑوں سے محبت میں کافری نہ ہوئی
ادھر سے بھی ہے سوا کچھ ادھر کی مجبوری
کہ ہم نے آہ تو کی ان سے آہ بھی نہ ہوئی
خیال یار سلامت تجھے خدا رکھے
ترے بغیر کبھی گھر میں روشنی نہ ہوئی
گئے تھے ہم بھی جگرؔ جلوہ گاہ جاناں میں
وہ پوچھتے ہی رہے ہم سے بات بھی نہ ہوئی
Tere jamal-e-haqeeqat ki taab hi na hui
Hazaar baar nigah ki magar kabhi na hui
Teri khushi se agar gham mein bhi khushi na hui
Woh zindagi to mohabbat ki zindagi na hui
Kahan woh shokh mulaqaat khud se bhi na hui
Bas ek baar hui aur phir kabhi na hui
Woh hum hain ahl-e-mohabbat ke jaan se dil se
Bahut bukhar uthe aankh shabnami na hui
Thehar thehar dil-e-betaab pyar to kar lun
Ab is ke baad mulaqaat phir hui na hui
Mere khayal se bhi aah mujh ko ba'ad raha
Hazaar tarah se chaha barabari na hui
Ham apni rindi-o-ta'at pe khaak naaz karein
Qabool hazrat-e-sultan hui hui na hui
Koi barhe na barhe hum to jaan dete hain
Phir aisi chashm-e-tawajjuh hui hui na hui
Tamaam harf-o-hikayat tamaam deeda-o-dil
Is ehtimam pe bhi sharh-e-ashiqi na hui
Fasurda khaatir-e-ishq aye ma'az-Allah
Khayal-e-yaar se bhi kuch shaguftagi na hui
Teri nigah-e-karam ko bhi aazma dekha
Aziyyaton mein na honi thi kuch kami na hui
Kisi ki mast nigahi ne haath tham liya
Shareek-e-haal-e-jahan meri be-khudi na hui
Saba yeh un se hamara payam keh dena
Gaye ho jab se yahan subh-o-sham hi na hui
Woh kuch sahi na sahi phir bhi zahid-e-nadaan
Bade badon se mohabbat mein kafiri na hui
Idhar se bhi hai siwa kuch idhar ki majboori
Ke hum ne aah to ki un se aah bhi na hui
Khayal-e-yaar salamat tujhe khuda rakhe
Tere baghair kabhi ghar mein roshni na hui
Gaye the hum bhi Jigar! jalwa-gah-e-jaanaan mein
Woh poochhte hi rahe hum se baat bhi na hui
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں