آج ہے دہر میں کیا اک نئی آفت کے سوا — مسعودہ حیات
شاعر
آج ہے دہر میں کیا اک نئی آفت کے سوا
آج ہے دہر میں کیا اک نئی آفت کے سوا
بغض و نفرت کے سوا رنج و مصیبت کے سوا
اس طرح چھایا ہوا ہے نگہ و دل پہ طلسم
جیسے ہر چیز حقیقت ہو حقیقت کے سوا
اپنے ہر جبر کو وہ مہر و وفا کہتے ہیں
ہم بھی کچھ نام نہ دیں اس کو محبت کے سوا
ہستیٔ عشق کو اب تک نہ کوئی جان سکا
ورنہ ہے دہر میں کیا اور محبت کے سوا
ہر نفس اک نئے طوفان کی یورش ہے حیاتؔ
کس کو الزام دیں اس دور میں قسمت کے سوا
مسعودہ حیات
Aaj hai dehr mein kya ek nayi aafat ke siwa
Aaj hai dehr mein kya ek nayi aafat ke siwa
Bughz-o-nafrat ke siwa ranj-o-museebat ke siwa
Is tarah chhaya hua hai nigah-o-dil pe tilism
Jaise har cheez haqeeqat ho haqeeqat ke siwa
Apne har jabr ko wo mehr-o-wafa kehte hain
Hum bhi kuch naam na dein us ko mohabbat ke siwa
Hasti-e-ishq ko ab tak na koi jaan saka
Warna hai dehr mein kya aur mohabbat ke siwa
Har nafas ek naye toofan ki yurish hai Hayaat
Kis ko ilzam dein is daur mein qismat ke siwa
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں