جشن مسرت — مسعودہ حیات
شاعر
جشن مسرت
یوں جشن مسرت کی ہر سمت گھٹا چھائی
پھولوں پہ نکھار آیا کلیوں کو ہنسی آئی
شاداب ہوئی کھیتی فصلوں پہ بہار آئی
بہتی ہوئی ندیوں نے کی بادیہ پیمائی
باپو کے اہنسا کی نہرو کے تخیل کی
تنویر نظر آئی تصویر نظر آئی
ذہنوں سے جہالت کی ظلمت کو مٹا ڈالا
اب علم کے سورج کی گھر گھر میں کرن آئی
سائنس میں حرفت میں حاصل ہوئی یکسوئی
اس دور میں بھارت نے ہر فن میں جلا پائی
اب دل میں امنگیں ہیں نظروں میں مسرت ہے
ہر سمت ہے زیبائی ہر سمت ہے رعنائی
دنیا کی نگاہیں بھی پابوس قیادت ہیں
اس بنت جواہر کی اللہ رے مسیحائی
مسعودہ حیات
Jashn-e-Musarrat
Yun jashn-e-musarrat ki har simt ghaTa chhaayi
Phoolon pe nikhaar aaya kaliyon ko hansi aayi
Shaadaab hui kheti faslon pe bahaar aayi
Behti hui nadiyon ne ki baadiya paimaayi
Bapu ke ahimsa ki Nehru ke takhayyul ki
Tanveer nazar aayi tasveer nazar aayi
Zehnon se jahaalat ki zulmat ko miTa Daala
Ab ilm ke suraj ki ghar ghar mein kiran aayi
Science mein hirfat mein haasil hui yaksoi
Is daur mein Bhaarat ne har fan mein jila paayi
Ab dil mein umangein hain nazron mein musarrat hai
Har simt hai zebaai har simt hai raanaai
Duniya ki nigaahein bhi pabos-e-qayadat hain
Is bint-e-Jawahar ki Allah re maseehaayi
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں