وطن کی شان — مسعودہ حیات
شاعر
وطن کی شان
رانی جب اسکول سے آئی
امی کو یہ بات بتائی
امی جی اسکول میں اپنے
خوب ہوئی ہے آج صفائی
کونا کونا صاف ہوا ہے
صابن سے بھی ہوئی دھلائی
ہم نے سندر چارٹ بنائے
اور اک اک دیوار سجائی
پھولوں کے پودوں سے ہم نے
گلشن کی دھرتی مہکائی
اس سے بھی بڑھ کر امی بھی
اور ہوئی ہے ایک بڑائی
وقت پہ میڈم آ جاتی ہیں
ہوتی ہے اب خوب پڑھائی
امی یہ کیا بھید ہے آخر
کیسے یہ تبدیلی آئی
یہ سن کر پھر امی بولیں
بیٹی کو ہر بات بتائی
تم کو یہ معلوم نہیں ہے
بھارت نے لی ہے انگڑائی
بچہ بچہ جاگ اٹھا ہے
خون میں سب کے گرمی آئی
دفتر مل اسکول دکانیں
چھائی ہے سب پر رعنائی
مندر مسجد گردوارے بھی
کرتے ہیں جلوہ آرائی
جنگل جنگل سبزہ لہکا
دہقاں کی امید بر آئی
شہر ہوئے ہیں صاف اور ستھرے
گاؤں میں بھی رونق آئی
کتنے ہی دکھ دور ہوئے ہیں
گھٹتی جاتی ہے مہنگائی
جھگی میں رہنے والوں کو
کالونی کی راہ دکھائی
بھارت میں اب امن و اماں ہے
مٹ گئے جھگڑے اور لڑائی
دیس کے دشمن سکتے میں ہیں
بول کے سب نے منہ کی کھائی
جے ہو جے اندرا گاندھی کی
اس نے وطن کی شان بڑھائی
مسعودہ حیات
Watan Ki Shaan
Rani jab school se aayi
Ammi ko yeh baat bataayi
Ammi ji school mein apne
Khoob hui hai aaj safai
Kona kona saaf hua hai
Saaban se bhi hui dhulayi
Hum ne sundar chart banaye
Aur ik ik deewar sajaayi
Phoolon ke paudon se hum ne
Gulshan ki dharti mehkaayi
Is se bhi baRh kar Ammi bhi
Aur hui hai ek baRaayi
Waqt pe madam aa jaati hain
Hoti hai ab khoob paRhaayi
Ammi yeh kya bhed hai aakhir
Kaise yeh tabdeeli aayi
Yeh sun kar phir Ammi boleen
BeTi ko har baat bataayi
Tum ko yeh maloom nahin hai
Bhaarat ne li hai angRaayi
Bachcha bachcha jaag uTha hai
Khoon mein sab ke garmi aayi
Daftar mil school dukaanen
Chhaayi hai sab par raanaai
Mandir masjid gurudware bhi
Karte hain jalwa-aaraai
Jangal jangal sabza lehka
Dehqan ki ummeed bar aayi
Shehr hue hain saaf aur suthre
Gaaon mein bhi raunaq aayi
Kitne hi dukh door hue hain
GhaTti jaati hai mehngaai
Jhuggi mein rehne walon ko
Colony ki raah dikhayi
Bhaarat mein ab aman o amaan hai
MiT gaye jhagRe aur laRaayi
Des ke dushman sakte mein hain
Bol ke sab ne munh ki khaayi
Jai ho jai Indira Gandhi ki
Us ne watan ki shaan baRhayi
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں