اب چمن زار ہی اپنا ہے نہ صحرا اپنا — مسعودہ حیات
شاعر
اب چمن زار ہی اپنا ہے نہ صحرا اپنا
اب چمن زار ہی اپنا ہے نہ صحرا اپنا
کل ہر اک شاخ پہ ممکن تھا بسیرا اپنا
بام و در تک نہ رہے گھر کے تو گھر کیا اپنا
اب فلک بھی نہ ہٹا لے کہیں سایا اپنا
عمر بھر جس نے زمانے کی مسیحائی کی
بن سکا اپنے ہی غم میں نہ مسیحا اپنا
کس کے گھر جاؤں کسے آج میں اپنا سمجھوں
اپنے گھر ہی میں نہیں کوئی شناسا اپنا
پھر کسی موڑ پہ اک روز پکارو گے مجھے
چاہے اب توڑ دو دل سے مرے رشتہ اپنا
تم ہمیں حرف غلط کہہ کے مٹا بھی نہ سکے
اب بھی ہر لب پہ سر بزم ہے چرچا اپنا
شام ہو جائے گی اک روز تو چلتے چلتے
ساتھ لیتے چلیں ہم آج اجالا اپنا
ساتھ سب چھوڑ گئے راہ محبت میں حیاتؔ
صرف اک ساتھ رہا نقش کف پا اپنا
مسعودہ حیات
Ab chaman-zar hi apna hai na sehra apna
Ab chaman-zar hi apna hai na sehra apna
Kal har ek shakh pe mumkin tha basera apna
Baam-o-dar tak na rahe ghar ke to ghar kya apna
Ab falak bhi na hata le kahin saaya apna
Umar bhar jis ne zamane ki masihai ki
Ban saka apne hi gham mein na masiha apna
Kis ke ghar jaon kise aaj main apna samjhoon
Apne ghar hi mein nahin koi shanasa apna
Phir kisi moR pe ek roz pukaro ge mujhe
Chaahe ab toR do dil se mere rishta apna
Tum humein harf-e-ghalat keh ke miTa bhi na sake
Ab bhi har lab pe sar-e-bazm hai charcha apna
Shaam ho jayegi ek roz to chalte chalte
Saath lete chalein hum aaj ujala apna
Saath sab chhoR gaye raah-e-mohabbat mein Hayaat!
Sirf ek saath raha naqsh-e-kaf-e-pa apna
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں