اگرچہ کہنے کو کل کائنات اپنی تھی — مسعودہ حیات
شاعر
اگرچہ کہنے کو کل کائنات اپنی تھی
اگرچہ کہنے کو کل کائنات اپنی تھی
حقیقتاً کہاں اپنی بھی ذات اپنی تھی
کہیں تو کس سے کہیں ہم حیات اپنی تھی
نہ کوئی دن تھا ہمارا نہ رات اپنی تھی
کوئی بھی آج تو اپنا نظر نہیں آتا
جو تم تھے اپنے تو کل کائنات اپنی تھی
یہ کیا کہ آج کوئی نام تک نہیں لیتا
وہ دن بھی تھے کہ ہر اک لب پہ بات اپنی تھی
ہمارے پاس رہا کیا ہے اب غموں کے سوا
وہ دن گئے کہ رہ شش جہات اپنی تھی
ہمیں سے بھول کہیں ہو گئی محبت میں
وگرنہ وہ نگہ التفات اپنی تھی
جو تم قریب تھے ہر شے پہ اختیار سا تھا
یہ چاند اور ستاروں کی رات اپنی تھی
ہمیں خود اپنی خرد کا غرور لے ڈوبا
نہیں تو ایک زمانے میں بات اپنی تھی
حیاتؔ اس لیے نظم کہن کو توڑ دیا
کہ آج صرف اسی میں نجات اپنی تھی
مسعودہ حیات
Agarche kehne ko kul-e-kaenat apni thi
Agarche kehne ko kul-e-kaenat apni thi
Haqeeqatan kahan apni bhi zaat apni thi
Kahin to kis se kahein hum Hayaat! apni thi
Na koi din tha hamara na raat apni thi
Koi bhi aaj to apna nazar nahin aata
Jo tum the apne to kul-e-kaenat apni thi
Ye kya ke aaj koi naam tak nahin leta
Woh din bhi the ke har ek lab pe baat apni thi
Hamare paas raha kya hai ab ghamon ke siwa
Woh din gaye ke reh-e-shash-jehaat apni thi
Humein se bhool kahin ho gai mohabbat mein
Wagarna woh nigeh-e-iltefaat apni thi
Jo tum qareeb the har shai pe ikhtiyar sa tha
Ye chand aur sitaron ki raat apni thi
Humein khud apni khirad ka ghuroor le dooba
Nahin to ek zamane mein baat apni thi
Hayaat! Is liye nazm-e-kuhan ko toR diya
Ke aaj sirf isi mein nijaat apni thi
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں