بچوں کی عید — مسعودہ حیات
شاعر
بچوں کی عید
عید بہت ہی دھوم سے آئی
بازاروں میں رونق لائی
پہن کے اچھے اچھے کپڑے
بچے اپنے گھر سے نکلے
کپڑے گوٹے اور پھٹے کے
جھلمل کرتے جھم جھم کرتے
عید ملن کو پہنچے گھر گھر
کتنے خوش تھے باہم مل کر
پھینی اور مٹھائی کھائی
میٹھی میٹھی عید منائی
ملے انہیں عیدی کے پیسے
کھیل کھلونے خوب خریدے
جا کر باغ میں جھولا جھولے
دنیا کے سارے غم بھولے
سب نے دل سے عید منائی
مگر ہمیں تو ذرا نہ بھائی
تم جو نہیں تھیں پاس ہمارے
دل بھر آیا غم کے مارے
میری سیمیںؔ میری پیاری
تم کو مبارک عید تمہاری
تم نے منائی خوب یہ عید
ہمیں تمہاری ہوئی نہ دید
ہم تو جب تم کو دیکھیں گے
عید اسی دن کی سمجھیں گے
مسعودہ حیات
Bachchon ki Eid
Eid bahut hi dhoom se aayi
Bazaaron mein raunaq laayi
Pahan ke achche achche kapḌe
Bachche apne ghar se nikle
KapḌe gote aur phaṭe ke
Jhilmil karte jham jham karte
Eid milan ko pahunche ghar ghar
Kitne khush thhe baham mil kar
Pheenī aur miṭhaai khaayi
Meethī meethī Eid manaayi
Mile unhein Eidi ke paise
Khel khilone khoob khareede
Ja kar baagh mein jhoola jhoole
Duniya ke saare gham bhoole
Sab ne dil se Eid manaayi
Magar hamein to zara na bhaayi
Tum jo nahin thiin paas hamare
Dil bhar aaya gham ke maare
Meri Seemein meri pyaari
Tum ko mubarak Eid tumhari
Tum ne manaayi khoob ye Eid
Hamein tumhari hui na deed
Hum to jab tum ko dekhenge
Eid isi din ki samjhenge
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں