باپو — مسعودہ حیات
شاعر
باپو
شہرت ہے تیری باپو ہر سو مرے وطن میں
تیرا ہی تذکرہ ہے دنیا کی انجمن میں
تو پھول بن کے مہکا کچھ اس طرح چمن میں
خوشبو سما گئی ہے افسردہ جان و تن میں
تو صدر انجمن ہے تو نازش وطن ہے
تو رنگ دلبری ہے تو نکہت چمن ہے
تجھ کو تھی مثل ایماں اپنے وطن سے الفت
اخلاق سے مٹائی تو نے بنائے نفرت
مذہب تھا صرف تیرا خلق خدا کی خدمت
اے قوم کے مسیحا اے فخر آدمیت
تیرا کرم ہے کتنا بھارت کی سر زمیں پر
عظمت کی روشنی ہے اب ہند کی زمیں پر
جاہ و حشم کا لالچ دل میں کبھی نہ آیا
جو دوسروں سے چاہا وہ کر کے خود دکھایا
چھوٹے بڑے کی تو نے تفریق کو مٹایا
انسانیت کا پیہم سب کو سبق پڑھایا
تیرے زبان و دل میں تھا ایک ربط صادق
تو عدل کا پجاری روحانیت کا عاشق
سارے چمن میں رقصاں ہے آج حسن فطرت
کلیوں میں ہے محبت پھولوں میں ہے اخوت
تو نے وطن کو بخشی حسن یقیں کی دولت
تو نے بنا دیا ہے بھارت کو مثل جنت
یہ انقلاب آیا تیرے ہی فکر و فن سے
آزاد ہم ہوئے ہیں باپو تری لگن سے
مسعودہ حیات
Bapu
Shohrat hai teri Bapu har soo mere watan mein
Tera hi tazkira hai duniya ki anjuman mein
Tu phool ban ke mehka kuchh is tarah chaman mein
Khushboo sama gai hai afsurda jaan o tan mein
Tu sadr-e-anjuman hai tu nazish-e-watan hai
Tu rang-e-dilbari hai tu nikhat-e-chaman hai
Tujh ko thhi misl-e-imaan apne watan se ulfat
Ikhlaaq se miTaayi tu ne banaye nafrat
Mazhab tha sirf tera khalq-e-Khuda ki khidmat
Aye qaum ke Maseeha aye fakhr-e-aadamiyat
Tera karam hai kitna Bhaarat ki sarzameen par
Azmat ki roshni hai ab Hind ki zameen par
Jaah o hasham ka laalach dil mein kabhi na aaya
Jo doosron se chaaha woh kar ke khud dikhaya
ChhoTe baRe ki tu ne tafreeq ko miTaya
Insaniyat ka paiham sab ko sabaq paRhaaya
Tere zabaan o dil mein tha ek rabt-e-saadiq
Tu adl ka pujaari roohaniyat ka aashiq
Saare chaman mein raqsaan hai aaj husn-e-fitrat
Kaliyon mein hai muhabbat phoolon mein hai ukhuwat
Tu ne watan ko bakhshi husn-e-yaqeen ki daulat
Tu ne bana diya hai Bhaarat ko misl-e-jannat
Yeh inqilaab aaya tere hi fikr o fan se
Aazaad hum hue hain Bapu teri lagan se
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں