چھبیس جنوری — مسعودہ حیات
شاعر
چھبیس جنوری
ہر سال جگمگاتی ہے چھبیس جنوری
ہر سمت مسکراتی ہے چھبیس جنوری
سب کے دلوں کو بھاتی ہے چھبیس جنوری
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
ہیں بام و در پہ آج ترنگے لگے ہوئے
پھولوں سے چار سمت ہیں رستے سجے ہوئے
ہر سو عمارتوں پہ ہیں دیپک جلے ہوئے
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
آئین اپنا آج کے دن ہی شروع ہوا
جنتا کو ووٹ دینے کا حق آج ہی ملا
جمہوریت کے نام کا ڈنکا ہی بج گیا
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
فوجی قطار باندھ کے آتے ہیں راہ میں
سامان جنگ ساتھ ہی لاتے ہیں راہ میں
کرتب بہادری کے دکھاتے ہیں راہ میں
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
دلی میں سارے ہند سے آتی ہیں جھانکیاں
منظر ریاستوں کے دکھاتی ہیں جھانکیاں
آپس میں اتحاد بڑھاتی ہیں جھانکیاں
شان وطن دکھاتی ہے چھبیس جنوری
جنتا کا دل بڑھاتی ہے چھبیس جنوری
مسعودہ حیات
Chhabees January
Har saal jagmagati hai chhabees January
Har simt muskurati hai chhabees January
Sab ke dilon ko bhaati hai chhabees January
Shan-e-watan dikhati hai chhabees January
Janta ka dil baḌhaati hai chhabees January
Hain baam-o-dar pe aaj tirange lage hue
Phoolon se char simt hain raste saje hue
Har su imaraton pe hain deepak jale hue
Shan-e-watan dikhati hai chhabees January
Janta ka dil baḌhaati hai chhabees January
Aayeen apna aaj ke din hi shuru hua
Janta ko vote dene ka haq aaj hi mila
Jamhooriyat ke naam ka Danka hi baj gaya
Shan-e-watan dikhati hai chhabees January
Janta ka dil baḌhaati hai chhabees January
Fauji qatar baandh ke aate hain raah mein
Samaan-e-jang saath hi laate hain raah mein
Kartab bahaduri ke dikhate hain raah mein
Shan-e-watan dikhati hai chhabees January
Janta ka dil baḌhaati hai chhabees January
Dilli mein saare Hind se aati hain jhankiyan
Manzar riyasaton ke dikhati hain jhankiyan
Aapas mein ittihad baḌhaati hain jhankiyan
Shan-e-watan dikhati hai chhabees January
Janta ka dil baḌhaati hai chhabees January
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں