دل و نگاہ میں اک روشنی سی لگتی ہے — مسعودہ حیات
شاعر
دل و نگاہ میں اک روشنی سی لگتی ہے
دل و نگاہ میں اک روشنی سی لگتی ہے
تمہاری یاد سے وابستگی سی لگتی ہے
یہ کیا ستم ہے مہکتی ہوئی بہاروں میں
ہر ایک چہرے پہ پژمردگی سی لگتی ہے
یہ کس کے ہاتھ میں آیا ہے دور پیمانہ
لبوں پہ اپنے بڑی تشنگی سی لگتی ہے
ہم اپنے گھر میں بھی ہیں اب مسافروں کی طرح
ہر ایک چیز یہاں اجنبی سی لگتی ہے
ہر ایک سانس پہ پہرہ ہے ناخداؤں کا
یہ زندگی بھی کوئی زندگی سی لگتی ہے
ہزار شوق نمایاں تھے جس نظر سے کبھی
وہی نگاہ بڑی اجنبی سی لگتی ہے
حیاتؔ کون سی اب راہ اختیار کریں
ہر ایک راہ بڑی اجنبی سی لگتی ہے
مسعودہ حیات
Dil-o-nigah mein ek roshni si lagti hai
Dil-o-nigah mein ek roshni si lagti hai
Tumhari yaad se wabastagi si lagti hai
Ye kya sitam hai mehakti hui baharon mein
Har ek chehre pe pazhmurdagi si lagti hai
Ye kis ke haath mein aaya hai daur-e-paimana
Labon pe apne baRi tishnagi si lagti hai
Ham apne ghar mein bhi hain ab musafiron ki tarah
Har ek cheez yahan ajnabi si lagti hai
Har ek saans pe pehra hai nakhudaon ka
Ye zindagi bhi koi zindagi si lagti hai
Hazaar shauq numayan the jis nazar se kabhi
Wahi nigah baRi ajnabi si lagti hai
Hayaat! Kaun si ab raah ikhtiyar karein
Har ek raah baRi ajnabi si lagti hai
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں