فصل گل کچھ بھی نہیں باد صبا کچھ بھی نہیں — مسعودہ حیات
شاعر
فصل گل کچھ بھی نہیں باد صبا کچھ بھی نہیں
فصل گل کچھ بھی نہیں باد صبا کچھ بھی نہیں
تیری محفل ہو تو جنت کی فضا کچھ بھی نہیں
جان و دل کر دیے ہم نے تری راہوں میں نثار
اور ہمارے لیے تہمت کے سوا کچھ بھی نہیں
پکڑے جائیں گے ہمیں حشر میں بے جرم و قصور
اور گنہ گار کو دنیا میں سزا کچھ بھی نہیں
ان کے دل پر مرا احساس ستم بھی ہے گراں
غیر کی شعلہ بیانی کا گلا کچھ بھی نہیں
جام جم ہو کہیں گردش میں مگر پھر بھی حیاتؔ
چشم ساقی سے نہ چھلکے تو مزا کچھ بھی نہیں
مسعودہ حیات
Fasl-e-gul kuch bhi nahin baad-e-saba kuch bhi nahin
Fasl-e-gul kuch bhi nahin baad-e-saba kuch bhi nahin
Teri mehfil ho to jannat ki fiza kuch bhi nahin
Jaan-o-dil kar diye hum ne teri raahon mein nisar
Aur hamare liye tuhmat ke siwa kuch bhi nahin
PakRe jayenge humein hashr mein be-jurm-o-qusoor
Aur gunaah-gar ko duniya mein saza kuch bhi nahin
In ke dil par mera ehsaas-e-sitam bhi hai garan
Ghair ki shola-bayani ka gila kuch bhi nahin
Jaam-e-jam ho kahin gardish mein magar phir bhi Hayaat!
Chashm-e-saaqi se na chhalke to maza kuch bhi nahin
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں