گھر سے جو شخص بھی نکلے وہ سنبھل کر نکلے — مسعودہ حیات
شاعر
گھر سے جو شخص بھی نکلے وہ سنبھل کر نکلے
گھر سے جو شخص بھی نکلے وہ سنبھل کر نکلے
جانے کس موڑ پہ کس ہاتھ میں خنجر نکلے
معجزہ بن گئی کیا آج مری تشنہ لبی
ایک قطرے کے تلے کتنے سمندر نکلے
گر گیا ہو جو فصیلوں کو اٹھا کر خود ہی
کیسے اب اپنے حصاروں سے وہ باہر نکلے
رہبرو تم نے تو منزل کا پتا بھی نہ دیا
تم سے بہتر تو مری راہ کے پتھر نکلے
عمر بھر ذہن میں چبھتا رہا اک نشتر غم
جتنے احساس تھے سب میرا مقدر نکلے
تم سے چھوڑی نہ گئی راہ وفا پھر بھی حیاتؔ
کتنے بے درد ملے کتنے ستم گر نکلے
مسعودہ حیات
Ghar se jo shakhs bhi nikle woh sambhal kar nikle
Ghar se jo shakhs bhi nikle woh sambhal kar nikle
Jaane kis moR pe kis haath mein khanjar nikle
Mo'jiza ban gai kya aaj meri tishna-labi
Ek qatre ke tale kitne samundar nikle
Gir gaya ho jo faseelon ko utha kar khud hi
Kaise ab apne hisaron se woh bahar nikle
Rahbaro tum ne to manzil ka pata bhi na diya
Tum se behtar to meri raah ke patthar nikle
Umar bhar zehn mein chubhata raha ik nishtar-e-gham
Jitne ehsaas the sab mera muqaddar nikle
Tum se chhoRi na gai raah-e-wafa phir bhi Hayaat!
Kitne be-dard mile kitne sitam-gar nikle
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں