ہم ظلم و ستم چاہیں ہم جور و جفا مانگیں — مسعودہ حیات
شاعر
ہم ظلم و ستم چاہیں ہم جور و جفا مانگیں
ہم ظلم و ستم چاہیں ہم جور و جفا مانگیں
اب اس کے سوا تجھ سے مانگیں بھی تو کیا مانگیں
تو خوب جفائیں کر تو خوب سزائیں دے
ہم اپنی وفاؤں کا اتنا ہی صلہ مانگیں
دل کانپ اٹھا اپنا سرخی سے بہاروں کی
ہم برگ حنا سے اب کیا رنگ حنا مانگیں
اس بے خودیٔ دل کا پوچھے نہ کوئی عالم
ہم اس کے ہی کوچے میں اور اس کا پتا مانگیں
کوئی کسی انساں پہ پھر جبر نہ کر پائے
دنیا میں حیاتؔ ایسی ہم آب و ہوا مانگیں
مسعودہ حیات
Hum zulm-o-sitam chahein hum jaur-o-jafa maangein
Hum zulm-o-sitam chahein hum jaur-o-jafa maangein
Ab us ke siwa tujh se maangein bhi to kya maangein
Tu khoob jafayein kar tu khoob sazayein de
Hum apni wafaaon ka itna hi sila maangein
Dil kaanp uthha apna surkhi se bahaaron ki
Hum barg-e-hina se ab kya rang-e-hina maangein
Is be-khudi-e-dil ka poochhe na koi aalam
Hum us ke hi kuche mein aur us ka pata maangein
Koi kisi insaan pe phir jabr na kar paaye
Duniya mein Hayaat aisi hum aab-o-hawa maangein
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں