جشن آزادی — مسعودہ حیات
شاعر
جشن آزادی
جشن آزادیٔ جمہور منائیں لوگو
گوشے گوشے میں مساوات کا چرچا کر دیں
کوئی بھوکا نہ رہے کوئی بھی ننگا نہ رہے
آج ہر فرد کی انعام سے جھولی بھر دیں
اپنے کردار کو اس طرح نکھاریں ہم لوگ
دشمن جاں بھی نگاہیں نہ اٹھانے پائے
امن کے پھول سے راہوں کو سجا دیں اتنا
زخم کانٹوں کا کوئی پاؤں نہ کھانے پائے
بغض و نفرت کا اندھیرا نہ رہے دھرتی پر
ہم محبت کے چراغوں سے چراغاں کر دیں
عدل و انصاف کی کرنوں کو فروزاں کر کے
حق پرستی کو زمانے پہ نمایاں کر دیں
ہم اگر اپنے مسائل کا کوئی حل ڈھونڈیں
کتنے الجھے ہوئے ذہنوں کو سکوں مل جائے
عزم و ہمت سے اگر کام لے ذہن جمہور
دہر کے شعلہ مزاجوں کا جہاں ہل جائے
مسعودہ حیات
Jashn-e-Azadi
Jashn-e-Azadi-e-jamhoor manayein logo
Goshe goshe mein musawat ka charcha kar dein
Koi bhooka na rahe koi bhi nanga na rahe
Aaj har fard ki inam se jholi bhar dein
Apne kirdar ko is tarah nikhaarein hum log
Dushman-e-jaan bhi nigahein na uthhane paaye
Amn ke phool se raahon ko saja dein itna
Zakhm kaanṭon ka koi paaon na khaane paaye
Bughz-o-nafrat ka andhera na rahe dharti par
Hum mohabbat ke charaghon se charaghan kar dein
Adl-o-insaf ki kirnon ko farozan kar ke
Haq parasti ko zamane pe numayan kar dein
Hum agar apne masail ka koi hal dhoondein
Kitne uljhe hue zehnon ko sukoon mil jaaye
Azm-o-himmat se agar kaam le zehn-e-jamhoor
Dehr ke shola-mizajon ka jahan hil jaaye
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں