کوئی تو دل کی نگاہوں سے دیکھتا جائے — مسعودہ حیات
شاعر
کوئی تو دل کی نگاہوں سے دیکھتا جائے
کوئی تو دل کی نگاہوں سے دیکھتا جائے
ہماری روح کے کچھ غم سمیٹتا جائے
تمہارے ملنے کی ہر آس آج ٹوٹ گئی
تمہیں بتاؤ کہ اب کس طرح جیا جائے
ذرا تو سوچیے اس دل کا حال کیا ہوگا
تلاش گل میں جو پتھر کی چوٹ کھا جائے
سجا کے تم کو گلوں سے اٹھائے ہیں پتھر
زمانہ کتنا ستم گر ہے کیا کیا جائے
کریں گے کیسے حقیقت کا سامنا ہم لوگ
ہمیں تو خواب ہی کوئی دکھا دیا جائے
کسی طرح تو اندھیرے غموں کے چھٹ جائیں
مرا بجھا ہوا دل ہی کوئی جلا جائے
رہ حیات میں کانٹے بچھیں کہ پھول کھلیں
یہ شرط ہے تری جانب وہ راستہ جائے
مسعودہ حیات
Koi to dil ki nigahon se dekhta jaaye
Koi to dil ki nigahon se dekhta jaaye
Hamari rooh ke kuch gham sameTTa jaaye
Tumhare milne ki har aas aaj toot gai
Tumehin batao ke ab kis tarah jiya jaaye
Zara to sochiye is dil ka haal kya hoga
Talaash-e-gul mein jo patthar ki choT kha jaaye
Saja ke tum ko gulon se uthaye hain patthar
Zamāna kitna sitam-gar hai kya kiya jaaye
Karein ge kaise haqeeqat ka samna hum log
Humein to khwab hi koi dikha diya jaaye
Kisi tarah to andhere ghamon ke chhaT jaayein
Mera bujha hua dil hi koi jala jaaye
Reh-e-hayaat mein kaanTe bichhein ke phool khilein
Ye shart hai teri jaanib woh raasta jaaye
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں