کیا کہیں محفل سے تیری کیا اٹھا کر لے گئے — مسعودہ حیات
شاعر
کیا کہیں محفل سے تیری کیا اٹھا کر لے گئے
کیا کہیں محفل سے تیری کیا اٹھا کر لے گئے
ہم متاع درد کو تنہا اٹھا کر لے گئے
دھوپ کا صحرا نظر آتا ہے اب چاروں طرف
آپ تو ہر پیڑ کا سایا اٹھا کر لے گئے
اس بھری دنیا میں اب تو کوئی بھی اپنا نہیں
جیسے تم ہر درد کا رشتہ اٹھا کر لے گئے
قطرے قطرے کو ترستے ہیں وہ اب اہل ہوس
جو کبھی دھرتی سے ہر دریا اٹھا کر لے گئے
اب وہی ذرے ہمارے حال پر ہیں خندہ زن
آسماں تک جن کو ہم اونچا اٹھا کر لے گئے
کیا غرض ہم کو وہاں اب کوئی بھی آباد ہو
ہم تو اس بستی سے گھر اپنا اٹھا کر لے گئے
وہ تو مجنوں تھا رہا جو عمر بھر صحرا نورد
ہم جہاں پہنچے وہیں صحرا اٹھا کر لے گئے
کر نہ پائے راہ بر بھی رہنمائی جب حیاتؔ
ہم بھی حیرانی میں نقش پا اٹھا کر لے گئے
مسعودہ حیات
Kya kahein mehfil se teri kya utha kar le gaye
Kya kahein mehfil se teri kya utha kar le gaye
Ham mata-e-dard ko tanha utha kar le gaye
Dhoop ka sehra nazar aata hai ab charon taraf
Aap to har peR ka saaya utha kar le gaye
Is bhari duniya mein ab to koi bhi apna nahin
Jaise tum har dard ka rishta utha kar le gaye
Qatre qatre ko taraste hain woh ab ahl-e-hawas
Jo kabhi dharti se har darya utha kar le gaye
Ab wahi zarre hamare haal par hain khanda-zan
Aasman tak jin ko hum ooncha utha kar le gaye
Kya gharaz hum ko wahan ab koi bhi abad ho
Ham to is basti se ghar apna utha kar le gaye
Woh to Majnun tha raha jo umar bhar sehra naward
Ham jahan pahunche wahin sehra utha kar le gaye
Kar na paaye raah-bar bhi rahnumai jab Hayaat!
Ham bhi hairani mein naqsh-e-pa utha kar le gaye
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں