کیا کہیں محفل سے تیری کیا اٹھا کر لے گئے — مسعودہ حیات
شاعر
کیا کہیں محفل سے تیری کیا اٹھا کر لے گئے
کیا کہیں محفل سے تیری کیا اٹھا کر لے گئے
ہم متاع درد کو تنہا اٹھا کر لے گئے
دھوپ کا صحرا نظر آتا ہے اب چاروں طرف
آپ تو ہر پیڑ کا سایا اٹھا کر لے گئے
اب وہی ذرے ہمارے حال پر ہیں خندہ زن
آسماں تک جن کو ہم اونچا اٹھا کر لے گئے
کیا غرض ہم کو وہاں اب کوئی بھی آباد ہو
ہم تو اس بستی سے گھر اپنا اٹھا کر لے گئے
وہ تو مجنوں تھا رہا جو عمر بھر صحرا نورد
ہم جہاں پہنچے وہیں صحرا اٹھا کر لے گئے
کر نہ پائے راہ بر بھی رہنمائی جب حیاتؔ
ہم بھی حیرانی میں نقش پا اٹھا کر لے گئے
مسعودہ حیات
Kya kahin mahfil se teri kya utha kar le gaye
Kya kahin mahfil se teri kya utha kar le gaye
Hum mata-e-dard ko tanha utha kar le gaye
Dhoop ka sahra nazar aata hai ab charon taraf
Aap to har peḌ ka saya utha kar le gaye
Ab wahi zarre hamare haal par hain khanda zan
Aasman tak jin ko hum uncha utha kar le gaye
Kya gharaz hum ko wahan ab koi bhi aabaad ho
Hum to us basti se ghar apna utha kar le gaye
Wo to majnoon tha raha jo umr bhar sahra naward
Hum jahan pahunche wahin sahra utha kar le gaye
Kar na paaye raah bar bhi Rehnuma jab Hayaat
Hum bhi hairani mein naqsh-e-pa utha kar le gaye
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں