نہ راس آئی چمن زار کی فضا مجھ کو — مسعودہ حیات
شاعر
نہ راس آئی چمن زار کی فضا مجھ کو
نہ راس آئی چمن زار کی فضا مجھ کو
مزاج برق نے بے گھر بنا دیا مجھ کو
تمام عمر بھٹکتے رہے جو راہوں میں
دکھا رہے ہیں وہی آج راستا مجھ کو
ہجوم درد میں دل نے تو سب کا ساتھ دیا
ملا نہ اپنے ہی اشکوں کا ہم نوا مجھ کو
وہ پاس تھے تو ہر اک شے میں دل دھڑکتا تھا
وہ دور ہیں تو کھٹکتی ہے ہر فضا مجھ کو
یہ کارواں نہ مری گمرہی پہ یوں ہنستا
رہ طلب میں جو ملتے وہ نقش پا مجھ کو
قدم قدم پہ سنوارا جنہیں محبت میں
سمجھ رہے ہیں وہی اب شکستہ پا مجھ کو
کوئی رفیق نہ رہبر نہ کوئی راہ گزر
اڑا کے لائی ہے کس شہر میں ہوا مجھ کو
حیاتؔ دکھتی ہوئی رگ کو کس نے چھیڑ دیا
اٹھی وہ ٹیس کہ یاد آ گیا خدا مجھ کو
مسعودہ حیات
Na raas aayi chaman-zar ki fiza mujh ko
Na raas aayi chaman-zar ki fiza mujh ko
Mizaj-e-barq ne be-ghar bana diya mujh ko
Tamaam umar bhaTkte rahe jo raahon mein
Dikha rahe hain wahi aaj raasta mujh ko
Hujoom-e-dard mein dil ne to sab ka saath diya
Mila na apne hi ashkon ka ham-nawa mujh ko
Woh paas the to har ek shai mein dil dhaRakta tha
Woh door hain to khaTakti hai har fiza mujh ko
Ye karwan na meri gum-rahi pe yoon hansta
Reh-e-talab mein jo milte woh naqsh-e-pa mujh ko
Qadam qadam pe sanwara jinhein mohabbat mein
Samajh rahe hain wahi ab shikasta-pa mujh ko
Koi rafeeq na rehber na koi raah-guzar
URa ke laayi hai kis shehar mein hawa mujh ko
Hayaat! Dukhti hui rag ko kis ne chheR diya
Uthi woh tees ke yaad aa gaya Khuda mujh ko
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں