راکھی — مسعودہ حیات
شاعر
راکھی
اس کے دھاگوں میں دل کے خزانے نہاں
اس کے پھولوں میں دریائے الفت رواں
یہ بہن بھائی کی چاہتوں کا نشاں
یہ ہے راکھی کا بندھن مرے بھائیو
اس کی تصویر میں ہے عجب بانکپن
اس کی تاریخ میں ایکتا کا چلن
اس کی عظمت کا قائل ہے سارا چمن
یہ ہے راکھی کا بندھن مرے بھائیو
صرف بندھن نہیں ایک پیمان ہے
بھائیوں کے دلوں کا یہ ایمان ہے
اپنی بہنوں پہ ہر بھائی قربان ہے
یہ ہے راکھی کا بندھن مرے بھائیو
کی ہمایوں نے رکشا جو میواڑ کی
دشمنوں کو ہر اک موڑ پر مات دی
رکشا بندھن ہی کی یہ کرامات تھی
یہ ہے راکھی کا بندھن مرے بھائیو
مسعودہ حیات
Rakhi
Is ke dhaagon mein dil ke khazaane nihaan
Is ke phoolon mein darya-e-ulfat rawaan
Yeh behen bhai ki chaahton ka nishaan
Yeh hai Rakhi ka bandhan mere bhaiyo
Is ki tasveer mein hai ajab baankpan
Is ki taareekh mein ekta ka chalan
Is ki azmat ka qaayil hai saara chaman
Yeh hai Rakhi ka bandhan mere bhaiyo
Sirf bandhan nahin ek paimaan hai
Bhaiyon ke dilon ka yeh imaan hai
Apni behno pe har bhai qurbaan hai
Yeh hai Rakhi ka bandhan mere bhaiyo
Ki Humayun ne raksha jo Mewar ki
Dushmano ko har ik moR par maat di
Raksha Bandhan hi ki yeh karamaat thi
Yeh hai Rakhi ka bandhan mere bhaiyo
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں