تیری یادوں نے کبھی چین سے جینے نہ دیا — مسعودہ حیات
شاعر
تیری یادوں نے کبھی چین سے جینے نہ دیا
تیری یادوں نے کبھی چین سے جینے نہ دیا
میں نے چاہا تو مجھے زہر بھی پینے نہ دیا
یوں ہی بن بن کے بگڑتے رہے آئین وفا
بے سہاروں کو سہارا تو کسی نے نہ دیا
غم تو غم جوش مسرت نے بڑھایا وہ جنوں
چاک داماں کسی عنوان بھی سینے نہ دیا
زندگی غم سے سنورتی ہے یہ مانا لیکن
منزل غم میں سہارا تو کسی نے نہ دیا
آج کیوں آ گئے تم درد کا درماں بن کر
جام فرقت بھی مجھے چین سے پینے نہ دیا
تیرے ملنے کی خوشی تیرے بچھڑنے کا ملال
غمزۂ شام و سحر نے ہمیں جینے نہ دیا
کس سے شکوہ کریں ویرانیٔ ہستی کا حیاتؔ
ہم نے خود اپنی تمناؤں کو جینے نہ دیا
مسعودہ حیات
Teri yaadon ne kabhi chain se jeene na diya
Teri yaadon ne kabhi chain se jeene na diya
Main ne chaha to mujhe zeher bhi peene na diya
Yoon hi ban ban ke bigaRte rahe aa'een-e-wafa
Be-saharon ko sahara to kisi ne na diya
Gham to gham Josh-e-masarrat ne baRhaya woh junoon
Chak-e-damaan kisi unwan bhi seene na diya
Zindagi gham se sanwarti hai ye mana lekin
Manzil-e-gham mein sahara to kisi ne na diya
Aaj kyon aa gaye tum dard ka darmaan ban kar
Jaam-e-furqat bhi mujhe chain se peene na diya
Tere milne ki khushi tere bichhaRne ka malaal
Ghamza-e-shaam-o-sehar ne humein jeene na diya
Kis se shikwa karein veerani-e-hasti ka Hayaat!
Hum ne khud apni tamannaon ko jeene na diya
شاعر کے بارے میں
ِمسعودہ حیات اردو کی معروف شاعرہ ہیں جنہوں نے اپنی تخلیقی صلاحیتوں اور حساس طرزِ اظہار کے ذریعے اردو ادب میں نمایاں مقام حاصل کیا۔ 1935ء میں دہلی میں پیدا ہونے والی مسعودہ حیات نے تدریس کے شعبے سے وابستہ رہتے ہوئے ادب کی خدمت کو بھی اپنی زندگی کا اہم مقصد بنایا۔ ان کی شخصیت میں ایک معلم کی سنجیدگی اور ایک شاعرہ کی لطافت یکجا نظر آتی ہے، جس کا عک...
مکمل تعارف پڑھیں