اب کون بات رہ گئی یہ بات بھی گئی — مبارک عظیم آبادی
شاعر
اب کون بات رہ گئی یہ بات بھی گئی
اب کون بات رہ گئی یہ بات بھی گئی
یعنی کبھی کبھی کی ملاقات بھی گئی
کہتے ہیں وہ کہ جذبۂ دل اب فریب ہے
جب دل گیا تو دل کی کرامات بھی گئی
جو کچھ کیا وہ تو نے کیا اضطراب شوق
سو آفتیں بھی آئیں مری بات بھی گئی
دستار آپ کی جو ہوئی رہن میکدہ
توبہ ہماری قبلۂ حاجات بھی گئی
وعدے کی کون رات قیامت کا دن نہیں
آثار صبح کہتے ہیں یہ رات بھی گئی
مانا کہ دن سدھارے مبارکؔ شباب کے
رنگیں طبیعتوں سے ملاقات بھی گئی
Ab kaun baat reh gai yeh baat bhi gai
Ab kaun baat reh gai yeh baat bhi gai
Yaani kabhi kabhi ki mulaqat bhi gai
Kehte hain woh ke jazba-e-dil ab fareb hai
Jab dil gaya to dil ki karamat bhi gai
Jo kuch kiya woh tu ne kiya iztirab-e-shauq
Sau aafatein bhi aayeen meri baat bhi gai
Dastar aap ki jo hui rehn-e-maikada
Tauba hamari qibla-e-haajat bhi gai
Wade ki kaun raat qayamat ka din nahin
Aasar-e-subh kehte hain yeh raat bhi gai
Mana ke din sudhare Mubarak, shabab ke
Rangin tabiyaton se mulaqat bhi gai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں