ناوک کہیں سناں کہیں تلوار کیا کہیں — مبارک عظیم آبادی
شاعر
ناوک کہیں سناں کہیں تلوار کیا کہیں
ناوک کہیں سناں کہیں تلوار کیا کہیں
تو ہی بتا تجھے نگۂ یار کیا کہیں
شکوہ نہ دام کا ہے نہ صیاد کا گلہ
ہم آپ ہو گئے ہیں گرفتار کیا کہیں
اظہار حال زار کا ایسوں سے فائدہ
آزار دل کا تجھ سے دل آزار کیا کہیں
کرتے ہیں واعظ آپ مذمت شراب کی
کہتے ہیں کیا جناب کو مے خوار کیا کہیں
ایسوں سے ترک مے کا مبارکؔ سوال کیا
توبہ کی تجھ سے رند قدح خوار کیا کہیں
Nawak kahin sanaan kahin talwar kya kahein
Nawak kahin sanaan kahin talwar kya kahein
Tu hi bata tujhe nigah-e-yaar kya kahein
Shikwa na daam ka hai na sayyad ka gila
Hum aap ho gaye hain giraftar kya kahein
Izhar-e-haal-e-zaar ka aison se fayda
Aazaar-e-dil ka tujh se dil-aazaar kya kahein
Karte hain waiz aap mazammat sharab ki
Kehte hain kya janab ko mai-khwar kya kahein
Aison se tark-e-mai ka Mubarak sawal kya
Tauba ki tujh se rind-e-qadah-khwar kya kahein
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں