بیگانۂ وفا ترا شیوہ ہی اور ہے — مبارک عظیم آبادی
شاعر
بیگانۂ وفا ترا شیوہ ہی اور ہے
بیگانۂ وفا ترا شیوہ ہی اور ہے
اہل وفا کا طور طریقہ ہی اور ہے
دیر و حرم کی راہ میں رکھتے نہیں قدم
ہم رہروان شوق کا رستہ ہی اور ہے
دل بے وفا کے ہاتھ نہ بیچے گا باوفا
تم سے نہیں بنے گا یہ سودا ہی اور ہے
اللہ دل نہ تم کو تڑپتا ہوا دکھائے
دیکھا نہ جائے گا یہ تماشا ہی اور ہے
جلوہ فروش آپ ہیں میں دل فروش ہوں
ایسوں سے کیا بنے گا یہ سودا ہی اور ہے
ٹکڑے ہیں دل جگر کے مبارکؔ کہ شعر ہیں
غزلوں کا آپ کی تو سفینہ ہی اور ہے
Begana-e-wafa tera shewa hi aur hai
Begana-e-wafa tera shewa hi aur hai
Ahl-e-wafa ka taur tareeqa hi aur hai
Dair-o-haram ki raah mein rakhte nahin qadam
Hum rahrawan-e-shauq ka rasta hi aur hai
Dil be-wafa ke hath na bechega ba-wafa
Tum se nahin banega yeh sauda hi aur hai
Allah dil na tum ko tadapta hua dikhaye
Dekha na jayega yeh tamasha hi aur hai
Jalwa farosh aap hain main dil farosh hoon
Aison se kya banega yeh sauda hi aur hai
Tukde hain dil-o-jigar ke Mubarak ke sher hain
Ghazlon ka aap ki to safeena hi aur hai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں