اک بادہ شباب کا کیا کیا سرور تھا — مبارک عظیم آبادی
شاعر
اک بادہ شباب کا کیا کیا سرور تھا
اک بادہ شباب کا کیا کیا سرور تھا
جو مرمٹا کسی پہ میں مجرم ضرور تھا
یہ آج بھی قصور ہے، کل بھی قصور تھا
برقع اٹھا جو رُخ سے، حیا بن گئی نقاب
ہلکا سہی وصال میں پردہ ضرور تھا
ساقی نے مے تو سب کو پلائی تھی ایک سی
لیکن بقدر ظرف ہر اک کا سرور تھا
لازم تھی بے خودی ترے دیدار کے لیے
پردہ جو بیچ میں تھا، وہ میرا شعور تھا
بجھنے کی جو نہیں، وہ مرے دل کی آگ ہے
دم بھر میں جو جلا بھی، بجھا بھی، وہ طور تھا
ناصح نہ پوچھ حسن کے پتلوں کی دل کشی
ان پر تو دل کا ٹوٹ کے آنا ضرور تھا
آرائشیں نہیں تھیں، آپ تھے وعدے کی رات تھی
میں تھا، تسلیاں تھیں، دل ناصبور تھا
خاموش کاٹنی تھی، مبارک شب فراق
یہ کس نے تم سے کہہ دیا نالہ ضرور تھا
Ek baada shabab ka kya kya suroor tha
Ek baada shabab ka kya kya suroor tha
Jo marmita kisi pe main mujrim zaroor tha
Yeh aaj bhi qasoor hai, kal bhi qasoor tha
Burqa utha jo rukh se, haya ban gayi naqaab
Halka sahi wisaal mein parda zaroor tha
Saaqi ne mai to sab ko pilai thi ek si
Lekin ba-qadr-e-zarf har ek ka suroor tha
Laazim thi bekhudi tere deedar ke liye
Parda jo beech mein tha, woh mera shaoor tha
Bujhne ki jo nahin, woh mere dil ki aag hai
Dam bhar mein jo jala bhi, bujha bhi, woh Toor tha
Naaseh na pooch husn ke putlon ki dilkashi
Un par to dil ka toot ke aana zaroor tha
Aarai'shen nahin thii'n, aap thay waade ki raat thi
Main tha, tasalliyaan thii'n, dil naasaboor tha
Khaamosh kaatni thi, mubarak shab-e-firaaq
Yeh kis ne tum se keh diya naala zaroor tha
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں