بغل میں ہم نے رات اک غیرت مہتاب دیکھا ہے — مبارک عظیم آبادی
شاعر
بغل میں ہم نے رات اک غیرت مہتاب دیکھا ہے
بغل میں ہم نے رات اک غیرت مہتاب دیکھا ہے
تمہیں اس خواب کی تعبیر ہو کیا خواب دیکھا ہے
تڑپ بجلی کی بھی دیکھی ہے وہ دل تھام لیتے ہیں
تری بے تابیوں کو بھی دل بے تاب دیکھا ہے
وہ الفت دوست ہوں ناصح دعا ہی دل سے نکلی ہے
اگر دشمن کے گھر بھی مجمع احباب دیکھا ہے
خدا کے سامنے اے محتسب سچ بولنا ہوگا
مرے ساغر میں مے دیکھی ہے یا خوں ناب دیکھا ہے
مبارکؔ اضطراب شوق کا عالم نہیں چھپتا
کہ جب دیکھا ہے ہم نے آپ کو بے تاب دیکھا ہے
Baghal mein hum ne raat ek ghairat-e-mahtab dekha hai
Baghal mein hum ne raat ek ghairat-e-mahtab dekha hai
Tumhein is khwab ki taabeer ho kya khwab dekha hai
Tarap bijli ki bhi dekhi hai woh dil thaam lete hain
Teri be-tabiyon ko bhi dil-e-be-tab dekha hai
Woh ulfat-e-dost hun naseh dua hi dil se nikli hai
Agar dushman ke ghar bhi majma-e-ahbab dekha hai
Khuda ke samne ae muhtasib sach bolna hoga
Mere saghar mein may dekhi hai ya khoon-e-naab dekha hai
Mubarak iztarab-e-shauq ka alam nahin chhupta
Ki jab dekha hai hum ne aap ko be-tab dekha hai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں