درد دل یار رہا درد سے یاری نہ گئی — مبارک عظیم آبادی
شاعر
درد دل یار رہا درد سے یاری نہ گئی
درد دل یار رہا درد سے یاری نہ گئی
زندگی ہم سے تو بے لطف گزاری نہ گئی
دن کے نالے نہ گئے رات کی زاری نہ گئی
نہ گئی دل سے کبھی یاد تمہاری نہ گئی
ہم تو خوں گشتہ تمناؤں کے ماتم میں رہے
سینہ کوبی نہ گئی سینہ فگاری نہ گئی
انتظار آپ کا کب لطف سے خالی نکلا
رائیگاں رات کسی روز ہماری نہ گئی
بخشوایا مجھے تم نے تو خدا نے بخشا
نہ گئی روز جزا بات تمہاری نہ گئی
لوگ کہتے ہیں بدلتا ہے زمانہ لیکن
دن ہمارا نہ گیا رات ہماری نہ گئی
Dard-e-dil yaar raha dard se yari na gai
Dard-e-dil yaar raha dard se yari na gai
Zindagi hum se to be-lutf guzari na gai
Din ke naale na gaye raat ki zari na gai
Na gai dil se kabhi yaad tumhari na gai
Hum to khoon-gushta tamannaon ke matam mein rahe
Sina-kobi na gai sina-figari na gai
Intezar aap ka kab lutf se khali nikla
Raigaan raat kisi roz hamari na gai
Bakhshwaya mujhe tum ne to Khuda ne bakhsha
Na gai roz-e-jaza baat tumhari na gai
Log kehte hain badalta hai zamana lekin
Din hamara na gaya raat hamari na gai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں