جبیں پر خاک ہے یہ کس کے در کی — مبارک عظیم آبادی
شاعر
جبیں پر خاک ہے یہ کس کے در کی
جبیں پر خاک ہے یہ کس کے در کی
بلائیں لے رہا ہوں اپنے سر کی
ابھر آئی ہیں پھر چوٹیں جگر کی
سلامت برچھیاں ترچھی نظر کی
قیامت کی حقیقت جانتا ہوں
یہ اک ٹھوکر ہے میرے فتنہ گر کی
کیا مجبور آئین وفا نے
نہ کرنی تھی وفا تم سے مگر کی
نہ مانو گے نہ مانو گے ہماری
ادھر ہو جائے گی دنیا ادھر کی
ہوئی ان بن کسی سے مجھ پہ برسے
بلائیں میرے سر دشمن کے سر کی
نہ تیرے حسن بے پروا کی غایت
نہ کوئی حد مرے ذوق نظر کی
Jabeen par khaak hai yeh kis ke dar ki
Jabeen par khaak hai yeh kis ke dar ki
Balayen le raha hun apne sar ki
Ubhar aayi hain phir choten jigar ki
Salamt barchhiyan tirchhi nazar ki
Qayamat ki haqeeqat jaanta hun
Yeh ik thokar hai mere fitna-gar ki
Kya majboor aain-e-wafa ne
Na karni thi wafa tum se magar ki
Na mano ge na mano ge hamari
Idhar ho jayegi duniya udhar ki
Hui an-ban kisi se mujh pe barse
Balayen mere sar dushman ke sar ki
Na tere husn-e-be-parwa ki ghaayat
Na koi had mere zauq-e-nazar ki
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں