محبت میں ٹھنی اکثر یہاں تک — مبارک عظیم آبادی
شاعر
محبت میں ٹھنی اکثر یہاں تک
محبت میں ٹھنی اکثر یہاں تک
کہ پہنچے معرکے تیر و کماں تک
چلے ناوک کھنچی ظالم کماں تک
کہاں تک امتحاں آخر کہاں تک
چلے جاتے ہیں آواز جرس پر
پہنچ جائیں گے بچھڑے کارواں تک
ہوائے شوق کے جھونکے سلامت
رہوگے تم پس پردہ کہاں تک
نہ وہ عیار مجھ سے پوچھتا ہے
نہ دل کی بات آتی ہے زباں تک
اسی سر کو سر شوریدہ کہیے
جو پہنچے اس کے سنگ آستاں تک
نیاز و ناز کے چرچے رہیں گے
ہماری اور تمہاری داستاں تک
مبارکؔ کو کوئی دن اور سن لو
بیاں کا لطف ہے اس خوش بیاں تک
Mohabbat mein thani aksar yahan tak
Mohabbat mein thani aksar yahan tak
Ke pahunche ma'arke teer-o-kamaan tak
Chale nawak khainchi zalim kamaan tak
Kahan tak imtihan aakhir kahan tak
Chale jaate hain awaz-e-jaras par
Pahunch jayenge bichhde karwan tak
Hawa-e-shauq ke jhonke salamat
Rahoge tum pas-e-pardah kahan tak
Na woh ayyar mujh se poochhta hai
Na dil ki baat aati hai zaban tak
Isi sar ko sar-e-shorida kahiye
Jo pahunche us ke sang-e-aastan tak
Niyaz-o-naz ke charche rahenge
Hamari aur tumhari dastaan tak
Mubarak ko koi din aur sun lo
Bayaan ka lutf hai us khush bayaan tak
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں