پردے پردے میں بہت مجھ پہ ترے وار چلے — مبارک عظیم آبادی
شاعر
پردے پردے میں بہت مجھ پہ ترے وار چلے
پردے پردے میں بہت مجھ پہ ترے وار چلے
صاف اب حلق پہ خنجر چلے تلوار چلے
دورئ منزل مقصد کوئی ہم سے پوچھے
بیٹھے سو بار ہم اس راہ میں سو بار چلے
کون پامال ہوا اس کی بلا دیکھتی ہے
دیکھتا اپنی ہی جو شوخیٔ رفتار چلے
بے پیے چلتا ہے یوں جھوم کے وہ مست شباب
جس طرح پی کے کوئی رند قدح خوار چلے
چشم و ابرو کی یہ سازش جگر و دل کو نوید
ایک کا تیر چلے ایک کی تلوار چلے
کچھ اس انداز سے صیاد نے آزاد کیا
جو چلے چھٹ کے قفس سے وہ گرفتار چلے
جس کو رہنا ہو رہے قیدئ زنداں ہو کر
ہم تو اے ہم نفسو پھاند کے دیوار چلے
پھر مبارکؔ وہی گھنگھور گھٹائیں آئیں
جانب مے کدہ پھر رند قدح خوار چلے
Parde parde mein bahut mujh pe tere waar chale
Parde parde mein bahut mujh pe tere waar chale
Saaf ab halq pe khanjar chale talwar chale
Door-e-manzil-e-maqsad koi hum se poochhe
Baithe sau baar hum us raah mein sau baar chale
Kaun paamaal hua is ki bala dekhti hai
Dekhta apni hi jo shokhi-e-raftar chale
Be piye chalta hai yoon jhoom ke woh mast-e-shabab
Jis tarah pi ke koi rind-e-qadah-khwar chale
Chashm-o-abroo ki yeh saazish jigar-o-dil ko naveed
Ek ka teer chale ek ki talwar chale
Kuchh is andaaz se saiyyad ne aazad kiya
Jo chale chhut ke qafas se woh giraftaar chale
Jis ko rehna ho rahe qaid-e-zindan ho kar
Hum to ae hum-nafso phaand ke deewar chale
Phir Mubarak wahi ghunghor ghatayen aayen
Janib-e-maikada phir rind-e-qadah-khwar chale
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں