پھر ملے ہم ان سے پھر یاری بڑھی — مبارک عظیم آبادی
شاعر
پھر ملے ہم ان سے پھر یاری بڑھی
پھر ملے ہم ان سے پھر یاری بڑھی
اور الجھا دل گرفتاری بڑھی
مہربانی چارہ سازوں کی بڑھی
جب بڑھا درماں تو بیماری بڑھی
ہجر کی گھڑیاں کٹھن ہوتی گئیں
دن کے نالے رات کی زاری بڑھی
پھر تصور میں کسی کے نیند اڑی
پھر وہی راتوں کی بے داری بڑھی
سختیاں راہ محبت کی نہ پوچھ
ہر قدم اک تازہ دشواری بڑھی
خیر ساقی کی سلامت مے کدہ
جس قدر پی اتنی ہشیاری بڑھی
دور دورے ہیں مبارکؔ جام کے
انتہا کی اپنی مے خواری بڑھی
Phir mile hum un se phir yaari barhi
Phir mile hum un se phir yaari barhi
Aur uljha dil giriftari barhi
Meherbani chara-sazon ki barhi
Jab barha darmaa'n to beemari barhi
Hijr ki gharhiyan kathin hoti gayeen
Din ke naale raat ki zari barhi
Phir tasawwur mein kisi ke neend urhi
Phir wahi raaton ki be-dari barhi
Sakhtiyaan rah-e-mohabbat ki na poochh
Har qadam ik taza dushwari barhi
Khair saqi ki salamat mai-kada
Jis qadar pi utni hushiyari barhi
Daur daure hain Mubarak, jaam ke
Inteha ki apni mai-khwari barhi
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں