سمجھائیں کس طرح دل ناکردہ کار کو — مبارک عظیم آبادی
شاعر
سمجھائیں کس طرح دل ناکردہ کار کو
سمجھائیں کس طرح دل ناکردہ کار کو
یہ دوستی سمجھتا ہے دشمن کے پیار کو
نکلا چمک کے مہر قیامت بھی اور ہم
بیٹھے رہے چھپائے دل داغ دار کو
ساقی نہ مے نہ جام نہ مینا نہ میکدہ
آمد بہار کی ہو مبارک بہار کو
کیا کیا بگاڑ میں بھی ادائیں ہیں دل فریب
کتنے بناؤ آتے ہیں گیسوئے یار کو
ناصح کا امتحان مبارکؔ ہو ایک دن
تھوڑی پلا کے دیکھیے اس ہوشیار کو
Samajhaen kis tarah dil na-karda kaar ko
Samajhaen kis tarah dil na-karda kaar ko
Yeh dosti samajhta hai dushman ke pyaar ko
Nikla chamak ke mehr qyamat bhi aur hum
Baithe rahe chhupaaye dil daaghdaar ko
Saqi na may na jaam na meena na maikada
Aamad bahaar ki ho Mubarak bahaar ko
Kya kya bigaad mein bhi adaayen hain dilfareb
Kitne banao aate hain gaisu-e-yaar ko
Naseh ka imtihan Mubarak ho ek din
Thodi pila ke dekhiye us hoshiyar ko
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں