تماشائی تو ہیں تماشا نہیں ہے — مبارک عظیم آبادی
شاعر
تماشائی تو ہیں تماشا نہیں ہے
تماشائی تو ہیں تماشا نہیں ہے
گرا ہے وہ پردہ کہ اٹھتا نہیں ہے
یہ کس کی نظر دے گئی روگ یارب
سنبھالے سے اب دل سنبھلتا نہیں ہے
تڑپ جائیے گا تڑپ جائیے گا
تڑپنا ہمارا تماشا نہیں ہے
بہت پھانس نکلی بہت خار نکلے
مگر دل کا کانٹا نکلتا نہیں ہے
یہ ہر شخص کی لن ترانی ہے کیسی
کہ ہر آنکھ تو چشم موسیٰ نہیں ہے
سلامت مری وحشت دل سلامت
کہاں میری وحشت کا چرچا نہیں ہے
مری جان بھی ہے عنایت تمہاری
یہ دل بھی تمہارا ہے میرا نہیں ہے
بلائی گئی ان کی محفل میں دنیا
مگر ایک میرا بلاوا نہیں ہے
ذرا آپ سمجھایئے دل کو ناصح
میں سمجھا رہا ہوں سمجھتا نہیں ہے
تمہیں دیکھنے کو ترستی ہیں آنکھیں
بہت دن ہوئے تم کو دیکھا نہیں ہے
Tamashai to hain tamasha nahin hai
Tamashai to hain tamasha nahin hai
Gira hai woh parda ke uthta nahin hai
Yeh kis ki nazar de gai rog ya Rabb
Sambhale se ab dil sambhalta nahin hai
Tarap jaiyega tarap jaiyega
Tarapna hamara tamasha nahin hai
Bohat phaans nikli bohat khaar nikle
Magar dil ka kaanta nikalta nahin hai
Yeh har shakhs ki lan-tarani hai kaisi
Ke har aankh to chashm-e-Musa nahin hai
Salammat meri wahshat-e-dil salamat
Kahan meri wahshat ka charcha nahin hai
Meri jaan bhi hai inayat tumhari
Yeh dil bhi tumhara hai mera nahin hai
Bulaai gai un ki mehfil mein duniya
Magar ek mera bulawa nahin hai
Zara aap samjhaiye dil ko nasih
Main samjha raha hun samajhta nahin hai
Tumhein dekhne ko tarasti hain aankhein
Bohat din hue tum ko dekha nahin hai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں