تمہاری شرط محبت کبھی وفا نہ ہوئی — مبارک عظیم آبادی
شاعر
تمہاری شرط محبت کبھی وفا نہ ہوئی
تمہاری شرط محبت کبھی وفا نہ ہوئی
یہ کیا ہوئی تمہیں کہہ دو اگر جفا نہ ہوئی
قدم قدم پہ قدم لڑکھڑائے جاتے تھے
تمام عمر بھی طے منزل وفا نہ ہوئی
تمہیں کہو تمہیں ناآشنا کہیں نہ کہیں
کہ آشنا سے ادا رسم آشنا نہ ہوئی
تری ادا کی قسم ہے تری ادا کے سوا
پسند اور کسی کی ہمیں ادا نہ ہوئی
ہمیں کو دیکھ کے خنجر نکالتے تھے آپ
ہمارے بعد تو یہ رسم پھر ادا نہ ہوئی
خدا نے رکھ لیا ناز و نیاز کا پردہ
کہ روز حشر مری ان کی برملا نہ ہوئی
Tumhari shart-e-mohabbat kabhi wafa na hui
Tumhari shart-e-mohabbat kabhi wafa na hui
Yeh kya hui tumhein keh do agar jafa na hui
Qadam qadam pe qadam larkharhaye jaate the
Tamam umr bhi tay manzil-e-wafa na hui
Tumhein kaho tumhein na-aashna kahin na kahin
Ke aashna se ada rasm-e-aashna na hui
Teri ada ki qasam hai teri ada ke siwa
Pasand aur kisi ki hamein ada na hui
Hamein ko dekh ke khanjar nikalte the aap
Hamare baad to yeh rasm phir ada na hui
Khuda ne rakh liya naz-o-niyaz ka parda
Ke roz-e-hashr meri un ki barmala na hui
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں