یہاں کیا ہے وہاں کیا ہے ادھر کیا ہے ادھر کیا ہے — مبارک عظیم آبادی
شاعر
یہاں کیا ہے وہاں کیا ہے ادھر کیا ہے ادھر کیا ہے
یہاں کیا ہے وہاں کیا ہے ادھر کیا ہے ادھر کیا ہے
کوئی سمجھے تو کیا سمجھے وہ نیرنگ نظر کیا ہے
نہ ہو جس سر میں سودا سرفروشی کا وہ سر کیا ہے
نہ پھونکے خرمن ہستی تو وہ سوز جگر کیا ہے
ترے انداز کے بسمل ہیں ہم ہم سے کوئی پوچھے
تری بانکی ادا کیا ہے تری ترچھی نظر کیا ہے
جہاں سامان وحشت کے اسے وحشت سرا کہیے
جہاں اسباب ویرانی وہ ویرانہ ہے گھر کیا ہے
گئے وہ اور یہ کہتے گئے او جذب دل والے
مجھے بھی دیکھنا ہے جذبۂ دل کا اثر کیا ہے
Yahan kya hai wahan kya hai idhar kya hai udhar kya hai
Yahan kya hai wahan kya hai idhar kya hai udhar kya hai
Koi samjhe to kya samjhe woh nairang-e-nazar kya hai
Na ho jis sar mein sauda sarfaroshi ka woh sar kya hai
Na phoonke khirman-e-hasti to woh soz-e-jigar kya hai
Tere andaaz ke bismil hain hum hum se koi poochhe
Teri banki ada kya hai teri tirchhi nazar kya hai
Jahan samaan-e-wahshat ke use wahshat-sara kahiye
Jahan asbaab-e-veerani woh veerana hai ghar kya hai
Gaye woh aur yeh kehte gaye o jazb-e-dil wale
Mujhe bhi dekhna hai jazba-e-dil ka asar kya hai
شاعر کے بارے میں
مبارک عظیم آبادی اردو شاعری کے اُن معتبر اور باوقار ناموں میں شمار ہوتے ہیں جنہوں نے کلاسیکی غزل کی روایت کو اپنے منفرد اسلوب کے ساتھ آگے بڑھایا۔ ا...
مکمل تعارف پڑھیں