آیا ہے ایک شخص عجب آن بان کا — محمد علوی
شاعر
آیا ہے ایک شخص عجب آن بان کا
آیا ہے ایک شخص عجب آن بان کا
نقشہ بدل گیا ہے پرانے مکان کا
تارے سے ٹوٹتے ہیں ابھی تک ادھر ادھر
باقی ہے کچھ نشہ ابھی کل کی اڑان کا
کالک سی جم رہی ہے چمکتی زمین پر
سورج سے جل اٹھا ہے ورق آسمان کا
دریا میں دور دور تلک کشتیاں نہ تھیں
خطرہ نہ تھا ہوا کو کسی بادبان کا
دونوں کے دل میں خوف تھا میدان جنگ میں
دونوں کا خوف فاصلہ تھا درمیان کا
علویؔ کواڑ کھول کے دیکھا تو کچھ نہ تھا
وہ تو قصور تھا مرے وہم و گمان کا
محمد علوی
Āyā hai ek shakhs ajab aan bān ka
Āyā hai ek shakhs ajab aan bān ka
Naqsha badal gayā hai purāne makān ka
Tāre se ṭooṭte hain abhi tak idhar udhar
Bāqī hai kuch nasha abhi kal kī uḍaan ka
Kālak si jam rahī hai chamaktī zamīn par
Sooraj se jal uṭhā hai waraq āsmān ka
Daryā mein door door talak kashtiyāñ na thīñ
Khatrā na tha hawā ko kisi bād-bān ka
Donon ke dil mein khauf tha maidān-e-jang mein
Donon ka khauf fāsla tha darmiyān ka
Alwi kawāḍ khol ke dekhā to kuch na tha
Woh to qasoor tha mere wahm-o-gumān ka
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں