آنکھ میں دہشت نہ تھی ہاتھ میں خنجر نہ تھا — محمد علوی
شاعر
آنکھ میں دہشت نہ تھی ہاتھ میں خنجر نہ تھا
آنکھ میں دہشت نہ تھی ہاتھ میں خنجر نہ تھا
سامنے دشمن تھا پر دل میں کوئی ڈر نہ تھا
اس سے بھی مل کر ہمیں مرنے کی حسرت رہی
اس نے بھی جانے دیا وہ بھی ستم گر نہ تھا
اک پہاڑی پہ میں بیٹھا رہا دیر تک
شوق سے دیکھا کروں ایسا بھی منظر نہ تھا
ہم سے جو آگے گئے کتنے مہربان تھے
دور تلک راہ میں ایک بھی پتھر نہ تھا
رات بہت دیر سے آنکھ لگتی تھی ذرا
نیند میں کمرہ نہ تھا خواب میں بستر نہ تھا
شعر تو ہم نے بہت ٹھیک کیا تھا مگر
اب بھی غلط تھا کہیں اب بھی برابر نہ تھا
سوچا تھا اس بار تو جا کے ظفرؔ سے ملیں
کیا کریں علویؔ مگر ایسا مقدر نہ تھا
محمد علوی
aankh mein dahshat na thi haath mein khanjar na tha
aankh mein dahshat na thi haath mein khanjar na tha
samne dushman tha par dil mein koi Dar na tha
us se bhi mil kar hamen marne ki hasrat rahi
us ne bhi jaane diya wo bhi sitamgar na tha
ek pahaRi pe main baiTha raha der tak
shauq se dekha karun aisa bhi manzar na tha
ham se jo aage gaye kitne meherban the
door talak rah mein ek bhi patthar na tha
raat bahut der se aankh lagti thi zara
neend mein kamra na tha khwab mein bistar na tha
sher to ham ne bahut Theek kiya tha magar
ab bhi ghalat tha kahin ab bhi barabar na tha
socha tha is bar to ja ke Zafar se milen
kya karen Alvi magar aisa muqaddar na tha
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں