اب جدھر بھی جاتے ہیں — محمد علوی
شاعر
اب جدھر بھی جاتے ہیں
پہلے ایسا ہوتا تھا
بھانت بھانت کے بندر
شہر کی فصیلوں پر
محفلیں جماتے تھے
گھر میں کود آتے تھے
ہاتھ میں سے بچوں کے
روٹی نوچ جاتے تھے
اب تو وہ مداری بھی
خالی ہاتھ آتا ہے
بھیک مانگ کر گھر گھر
گھر کو لوٹ جاتا ہے
اب گھروں میں چڑیوں کا
شور کیوں نہیں ہوتا
رات کو کوئی الو
پیڑ پر نہیں روتا
پیڑ پر نہیں روتا
لڑتے لڑتے چڑیاں کیوں
فرش پر نہیں گرتیں
بلیاں چھتوں پر کیوں
گھومتی نہیں پھرتیں
اب نہ کوئی بلبل ہے
اور نہ کوئی مینا ہے
اب نہ کوئی تیتر ہے
اور نہ کوئی طوطا ہے
کس سے پوچھنے جائیں
مور کیسا ہوتا ہے
ٹولیاں کبوتر کی
کھو گئیں فضاؤں میں
تتلیوں کے رنگیں پر
بہہ گئے ہواؤں میں
منہ اندھیرے اب مرغا
بانگ کیوں نہیں دیتا
گھر میں کوئی بکری کا
نام کیوں نہیں لیتا
کیا ہوئے درختوں پر
گھونسلے پرندوں کے
کوئی بھی نہیں کہتا
قصے اب درندوں کے
ننھے ننھے چوزوں پر
چیل کا جھپٹنا اب
دیکھنے کہاں جائیں
راستے میں سانڈوں کا
پہروں لڑتے رہنا اب
دیکھنے کہاں جائیں
چھپکلی کی جیتی دم
اب تھرکتی کیا پائیں
رنگ بدلتے گرگٹ کو
مارتے کہاں جائیں
گائے بھینس کا ریوڑ
اب ادھر نہیں آتا
اونٹ ٹیڑھا میڑھا سا
اب نظر نہیں آتا
اب نہ گھوڑے ہاتھی ہیں
اور نہ وہ براتی ہیں
اب گلی میں کتوں کا
بھونکنا نہیں ہوتا
رات چھت پہ سوتے ہیں
بھوت دیکھ کر کوئی
چونکنا نہیں ہوتا
اب جدھر بھی جاتے ہیں
آدمی کو پاتے ہیں
محمد علوی
Ab Jidhar Bhi Jaate Hain
Pehle aisa hota tha
Bhaant bhaant ke bandar
Shehar ki faseelon par
Mahfilein jamaate the
Ghar mein kood aate the
Haath mein se bachchon ke
Roti noch jaate the
Ab to woh madari bhi
Khaali haath aata hai
Bheek maang kar ghar ghar
Ghar ko loot jata hai
Ab gharon mein chiriyon ka
Shor kyon nahin hota
Raat ko koi ullu
Per par nahin rota
Per par nahin rota
Ladte ladte chiriyan kyon
Farsh par nahin girtin
Billiyan chhaton par kyon
Ghoomti nahin phirti hain
Ab na koi bulbul hai
Aur na koi maina hai
Ab na koi teetar hai
Aur na koi tota hai
Kis se poochhne jaayen
Mor kaisa hota hai
Toliyan kabootar ki
Kho gayin fizaaon mein
Titliyon ke rangeen par
Beh gaye hawaon mein
Munh andhere ab murgha
Baang kyon nahin deta
Ghar mein koi bakri ka
Naam kyon nahin leta
Kya hue darakhton par
Ghonsle parindon ke
Koi bhi nahin kehta
Qisse ab darindon ke
Nanhe nanhe choozon par
Cheel ka jhapatna ab
Dekhne kahan jaayen
Raaste mein sandoon ka
Pehron ladte rehna ab
Dekhne kahan jaayen
Chhipkali ki jeeti dum
Ab thirakti kya paayen
Rang badalte girgit ko
Marte kahan jaayen
Gaaye bhains ka rewarr
Ab idhar nahin aata
Oont terha merha sa
Ab nazar nahin aata
Ab na ghore haathi hain
Aur na woh baraati hain
Ab gali mein kutton ka
Bhonkna nahin hota
Raat chhat pe sote hain
Bhoot dekh kar koi
Chaunkna nahin hota
Ab jidhar bhi jaate hain
Aadmi ko paate hain
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں