عجب نہیں کہ پھر اک بار میں بدل جاؤں — محمد علوی
شاعر
عجب نہیں کہ پھر اک بار میں بدل جاؤں
عجب نہیں کہ پھر اک بار میں بدل جاؤں
زمیں سے دور کہیں اور ہی نکل جاؤں
پرانے وقت کا سکہ ہوں مجھ کو پھینک نہ دے
برے دنوں میں یہ ممکن ہے میں بھی چل جاؤں
ترے بدن میں کہیں روشنی کا نام نہیں
اتر ہی جاؤں بدن میں ترے میں جل جاؤں
مجھے نہیں تو کسی اور کو تو کاٹے گا
یہ سانپ ہے تو اسے مار کر نکل جاؤں
خدا گواہ بہت تھک گیا ہوں رو رو کر
کوئی تو پیار سے دیکھے کہ میں بہل جاؤں
نہ کام آئے گا یہ گوشت کا بدن علویؔ
مشینی دور ہے لوہے میں کیوں نہ ڈھل جاؤں
محمد علوی
ajab nahin ke phir ik bar main badal jaun
ajab nahin ke phir ik bar main badal jaun
zameen se door kahin aur hi nikal jaun
purane waqt ka sikka hoon mujh ko phenk na de
bure dinon mein ye mumkin hai main bhi chal jaun
tere badan mein kahin roshni ka naam nahin
utar hi jaun badan mein tere main jal jaun
mujhe nahin to kisi aur ko to kaTega
ye saanp hai to use maar kar nikal jaun
khuda gawah bahut thak gaya hoon ro ro kar
koi to pyar se dekhe ke main bahal jaun
na kaam aaega ye gosht ka badan Alwi
masheeni daur hai lohe mein kyon na Dhal jaun
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں