اور بازار سے کیا لے جاؤں — محمد علوی
شاعر
اور بازار سے کیا لے جاؤں
اور بازار سے کیا لے جاؤں
پہلی بارش کا مزا لے جاؤں
کچھ تو سوغات دوں گھر والوں کو
رات آنکھوں میں سجا لے جاؤں
گھر میں ساماں تو ہو دلچسپی کا
حادثہ کوئی اٹھا لے جاؤں
اک دیا دیر سے جلتا ہوگا
ساتھ تھوڑی سی ہوا لے جاؤں
کیوں بھٹکتا ہوں غلط راہوں میں
خواب میں اس کا پتہ لے جاؤں
روز کہتا ہے ہوا کا جھونکا
آ تجھے دور اڑا لے جاؤں
آج پھر مجھ سے کہا دریا نے
کیا ارادہ ہے بہا لے جاؤں
گھر سے جاتا ہوں تو کام آئیں گے
ایک دو اشک بچا لے جاؤں
جیب میں کچھ تو رہے گا علویؔ
لاؤ تم سب کی دعا لے جاؤں
محمد علوی
Aur bazaar se kya le jaaun
Aur bazaar se kya le jaaun
Pehli barish ka maza le jaaun
Kuch toh saughat doon ghar walon ko
Raat aankhon mein saja le jaaun
Ghar mein saamaan toh ho dilchaspi ka
Haadsa koi utha le jaaun
Ek diya der se jalta hoga
Saath thodi si hawa le jaaun
Kyun bhatakta hoon ghalat raahon mein
Khwab mein us ka pata le jaaun
Roz kehta hai hawa ka jhonka
Aa tujhe door uda le jaaun
Aaj phir mujh se kaha darya ne
Kya irada hai baha le jaaun
Ghar se jaata hoon toh kaam aayenge
Ek do ashk bacha le jaaun
Jaib mein kuch toh rahega Alvi
Laao tum sab ki dua le jaaun
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں