اور کوئی چارا نہ تھا اور کوئی صورت نہ تھی — محمد علوی
شاعر
اور کوئی چارا نہ تھا اور کوئی صورت نہ تھی
اور کوئی چارا نہ تھا اور کوئی صورت نہ تھی
اس کے رہے ہو کے ہم جس سے محبت نہ تھی
اتنے بڑے شہر میں کوئی ہمارا نہ تھا
اپنے سوا آشنا ایک بھی صورت نہ تھی
اس بھری دنیا سے وہ چل دیا چپکے سے یوں
جیسے کسی کو بھی اب اس کی ضرورت نہ تھی
اب تو کسی بات پر کچھ نہیں ہوتا ہمیں
آج سے پہلے کبھی ایسی تو حالت نہ تھی
سب سے چھپاتے رہے دل میں دباتے رہے
تم سے کہیں کس لیے غم تھا وہ دولت نہ تھی
اپنا تو جو کچھ بھی تھا گھر میں پڑا تھا سبھی
تھوڑا بہت چھوڑنا چور کی عادت نہ تھی
ایسی کہانی کا میں آخری کردار تھا
جس میں کوئی رس نہ تھا کوئی بھی عورت نہ تھی
شعر تو کہتے تھے ہم سچ ہے یہ علویؔ مگر
تم کو سناتے کبھی اتنی بھی فرصت نہ تھی
محمد علوی
Aur koī chāra na tha aur koī soorat na thi
Aur koī chāra na tha aur koī soorat na thi
Us ke rahe ho ke hum jis se mohabbat na thi
Itne baḍe shahr mein koī hamārā na tha
Apne sivā āshnā ek bhi soorat na thi
Is bharī duniyā se woh chal diyā chupke se yuñ
Jaise kisi ko bhi ab us kī zaroorat na thi
Ab to kisi baat par kuch nahīñ hotā hamein
Aaj se pehle kabhi aisī to hālat na thi
Sab se chhupāte rahe dil mein dabāte rahe
Tum se kahein kis liye gham tha woh daulat na thi
Apnā to jo kuch bhi tha ghar mein paḍā tha sabhī
Thoḍā bahut chhoḍnā chor kī ādat na thi
Aisī kahāni ka maiñ ākhri kirdār tha
Jis mein koī ras na tha koī bhi aurat na thi
Sher to kahte the hum sach hai yeh Alwi magar
Tum ko sunāte kabhi itnī bhi fursat na thi
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں