بھید کچھ کھلتا نہیں دیوار و در میں کون ہے — محمد علوی
شاعر
بھید کچھ کھلتا نہیں دیوار و در میں کون ہے
بھید کچھ کھلتا نہیں دیوار و در میں کون ہے
گھر سے بے گھر ہو گیا ہوں میرے گھر میں کون ہے
سب کے سب پاگل نظر آتے ہیں مجھ کو شہر میں
میرے جیسا اور پاگل شہر بھر میں کون ہے
حق بہ جانب کون ہے اب آپ ہی بتلائیے
میں نہیں بتلاؤں گا میری نظر میں کون ہے
دل کے ملبے میں پڑا ہے اور چلاتا نہیں
ڈوبتا ہے اور چپ ہے چشم تر میں کون ہے
کون اپنا گھر اٹھائے پھر رہا ہے در بدر
گھر میں بیٹھا ہے مگر ہر دم سفر میں کون ہے
سوچتا رہتا ہوں علویؔ پر سمجھ پاتا نہیں
میں نہیں تو اس بلا کے شور و شر میں کون ہے
محمد علوی
bhed kuch khulta nahin deewar-o-dar mein kaun hai
bhed kuch khulta nahin deewar o dar mein kaun hai
ghar se be-ghar ho gaya hoon mere ghar mein kaun hai
sab ke sab pagal nazar aate hain mujh ko shahar mein
mere jaisa aur pagal shahar bhar mein kaun hai
haq ba jaanib kaun hai ab aap hi batlaiye
main nahin batlaunga meri nazar mein kaun hai
dil ke malbe mein paDa hai aur chillata nahin
Doobta hai aur chup hai chashm-e-tar mein kaun hai
kaun apna ghar uThaae phir raha hai dar ba dar
ghar mein baiTha hai magar har dam safar mein kaun hai
sochta rahta hoon Alwi par samajh pata nahin
main nahin to is bala ke shor o shar mein kaun hai
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں