چاند کی کگر روشن — محمد علوی
شاعر
چاند کی کگر روشن
چاند کی کگر روشن
شب کے بام و در روشن
اک لکیر بجلی کی
اور رہ گزر روشن
اڑتے پھرتے کچھ جگنو
رات ادھر ادھر روشن
رات کون آیا تھا
کر گیا سحر روشن
پھول قمقموں جیسے
تتلیوں کے پر روشن
لڑکیوں سے گلیاری
کھڑکیوں سے گھر روشن
اپنے آپ کو یارب
اب تو ہم پہ کر روشن
میں درخت اندھا ہوں
دے مجھے ثمر روشن
شعر مت سنا علویؔ
داغ دل نہ کر روشن
محمد علوی
chaand ki kagar roshan
chaand ki kagar roshan
shab ke baam o dar roshan
ik lakeer bijli ki
aur rah-guzar roshan
uDte phirte kuch jugnu
raat idhar udhar roshan
raat kaun aaya tha
kar gaya sahar roshan
phool qumqumon jaise
titliyon ke par roshan
laDkiyon se galiyan re
khirkiyon se ghar roshan
apne aap ko ya rab
ab to ham pe kar roshan
main darakht andha hoon
de mujhe samar roshan
sher mat suna Alwi
dagh dil na kar roshan
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں