دھوپ میں سب رنگ گہرے ہو گئے — محمد علوی
شاعر
دھوپ میں سب رنگ گہرے ہو گئے
دھوپ میں سب رنگ گہرے ہو گئے
تتلیوں کے پر سنہرے ہو گئے
سامنے دیوار پر کچھ داغ تھے
غور سے دیکھا تو چہرے ہو گئے
اب نہ سن پائیں گے ہم دل کی پکار
سنتے سنتے کان بہرے ہو گئے
اب کسی کی یاد بھی آتی نہیں
دل پہ اب فکروں کے پہرے ہو گئے
آؤ علویؔ اب تو اپنے گھر چلیں
دن بہت دلی میں ٹھہرے ہو گئے
محمد علوی
dhoop mein sab rang gehre ho gaye
dhoop mein sab rang gehre ho gaye
titliyon ke par sunahre ho gaye
samne deewar par kuch dagh the
ghaur se dekha to chehre ho gaye
ab na sun paenge ham dil ki pukar
sunte sunte kaan behre ho gaye
ab kisi ki yaad bhi aati nahin
dil pe ab fikron ke pahre ho gaye
aao Alvi ab to apne ghar chalen
din bahut Dilli mein Thehre ho gaye
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں