دن اک کے بعد ایک گزرتے ہوئے بھی دیکھ — محمد علوی
شاعر
دن اک کے بعد ایک گزرتے ہوئے بھی دیکھ
دن اک کے بعد ایک گزرتے ہوئے بھی دیکھ
اک دن تو اپنے آپ کو مرتے ہوئے بھی دیکھ
ہر وقت کھلتے پھول کی جانب تکا نہ کر
مرجھا کے پتیوں کو بکھرتے ہوئے بھی دیکھ
ہاں دیکھ برف گرتی ہوئی بال بال پر
تپتے ہوئے خیال ٹھٹھرتے ہوئے بھی دیکھ
اپنوں میں رہ کے کس لیے سہما ہوا ہے تو
آ مجھ کو دشمنوں سے نہ ڈرتے ہوئے بھی دیکھ
پیوند بادلوں کے لگے دیکھ جا بہ جا
بگلوں کو آسمان کترتے ہوئے بھی دیکھ
حیران مت ہو تیرتی مچھلی کو دیکھ کر
پانی میں روشنی کو اترتے ہوئے بھی دیکھ
اس کو خبر نہیں ہے ابھی اپنے حسن کی
آئینہ دے کے بنتے سنورتے ہوئے بھی دیکھ
دیکھا نہ ہوگا تو نے مگر انتظار میں
چلتے ہوئے سمے کو ٹھہرتے ہوئے بھی دیکھ
تعریف سن کے دوست سے علویؔ تو خوش نہ ہو
اس کو تری برائیاں کرتے ہوئے بھی دیکھ
محمد علوی
Din ek ke baad ek guzarte hue bhi dekh
Din ek ke baad ek guzarte hue bhi dekh
Ek din toh apne aap ko marte hue bhi dekh
Har waqt khilte phool ki jaanib taka na kar
Murjha ke pattiyon ko bikharte hue bhi dekh
Haan dekh barf girti hui baal baal par
Taptay hue khayal thithurte hue bhi dekh
Apnon mein reh ke kis liye sehma hua hai tu
Aa mujh ko dushmano se na darte hue bhi dekh
Paivand badlon ke lage dekh jaa ba jaa
Baglon ko aasman kutarte hue bhi dekh
Hairan mat ho terti machhli ko dekh kar
Paani mein roshni ko utarte hue bhi dekh
Uss ko khabar nahin hai abhi apne husn ki
Aaina de ke bante sanwarte hue bhi dekh
Dekha na hoga tu ne magar intezar mein
Chalte hue samay ko theharte hue bhi dekh
Tareef sun ke dost se Alvi tu khush na ho
Uss ko teri buraiyan karte hue bhi dekh
شاعر کے بارے میں
محمد علوی جدید اردو شاعری کے اُن ممتاز اور منفرد شاعروں میں شمار ہوتے ہیں جنہوں نے اپنی سادہ مگر معنی خیز شاعری کے ذریعے اردو ادب میں ایک الگ مقام حاصل کیا۔ ان کی پیدائش 10 جولائی 1927ء کو احمد آباد میں ہوئی، جہاں انہوں نے اپنی زندگی کا بیشتر حصہ گزارا۔ ابتدائی تعلیم اپنے آبائی شہر میں حاصل کرنے کے بعد انہوں نے اعلیٰ تعلیم جامعہ ملیہ اسلامیہ سے ...
مکمل تعارف پڑھیں